泰Grill (天晉匯)

一直對泰菜都情有獨鍾去完泰國返黎一直好想再食船麵就捉左朋友黎將軍澳陪我食生牛肉船麵將軍澳呢間泰菜雖然細細間 但味道都唔錯/我地2個大人一個小朋友叫左「生牛肉船麵」 船麵湯底非常濃郁 而且以$65 呢個價錢 牛肉/金邊粉既份量都算多 2大1細都食唔哂 仲另外點左2款小食 + 一個炒菜 「泰式酸辣魷魚」 魷魚好入味 酸酸辣辣好好食「沙嗲串燒」（雞/牛） 串燒可以揀3串/6串 亦可揀雞/牛/猪 ，我地比較鍾意食牛就點左2串牛1串雞 ，沙嗲醬唔會太辣幾好食「西蘭花蝦球」本來想叫飛天通菜不過小朋友話想食西蘭花所以點左西蘭花蝦球 ，唔知點解覺得呢個菜有啲中式feel 可能次次食泰菜都係揀通菜既關係 哈哈