一盛極牛 (Closed)

同朋友行完尖沙咀婚紗街，剛好到晚飯時間，見到有間招牌好搶眼的拉麵店，二話不說馬上衝入去填肚。坐低，望望餐牌，係一間好特別的拉麵店。呢間拉麵店主打牛肉拉麵，而且專注兩款選擇。貴精不貴多，師傅可以用心做好一碗拉麵。兩個人，各點一款。極牛拉麵 $108可以揀刺身或火炙。我揀咗和牛刺身，有四片。店內簡介係選用A4-A5認證的熊本牛，即切、勁新鮮，所以咬落去真係好嫩好滑！牛肉刺身輕按俾少少湯去浸一浸就食得。真心未食過用料咁高級嘅拉麵！係日本食幾塊和牛都要呢個價啦！湯底係師傳用牛骨淆咗24小時，難怪飲落咁重牛味，而且飲完成晚都無口渴的感覺，估計師傅連味精都無落，係真材實料。溏心蛋半生熟，半溶的蛋黃，合格。當然配菜一點都唔馬虎，有洋蔥、芽菜、黑木耳、荀、紅椒絲、紫菜。每樣配菜都可以 tailer-made 自己揀份量。拉麵質感好彈牙，份量好似比一般拉麵店要多，食完好飽好滿足喔。湯底飲下飲下，竟然飲晒！好飲哦！和牛拉麵，係香港算係幾獨樹一格，點都要試一試。