8鍋臭臭鍋 (金巴利道) (Closed)

上次夜晚經過呢間新開既台式火鍋店，無得book檯，要排長龍等好耐，所以趁晏就唔使排隊試下係咪咁好味先一入到鋪內就聞到一陣陣臭味，應該係臭豆腐既味道，建議咪著d吸味既衫啦位置算闊落，話曬主打一人一鍋，點都要有足夠位去擺放d爐仔既。menu上有8個唔同味道既火鍋款，相信店名由此起名吧！有辣有唔辣，每個鍋都有不同配料。晚午食既野都一樣，6點前食都只係平$10啫。叫左個芝士牛奶鍋，跟餐會配碗白飯，外賣杯裝指定台式飲品（綠茶或紅茶）一杯。另外叫左個小食，麻辣臭豆腐係最快上檯既，熱到噴煙，就係呢隻臭味啦，好入味令我諗起台灣夜市，加上散嚮面既辣椒碎，麻麻辣辣更有食慾。個鍋等左好耐，等食期間學佢menu既自調醬汁，但每張檯既醬都唔齊全waiter又忙，點調呀？！等左約15分鐘個鍋終於上檯，鍋內既食物（除左隻蛋）全都已熟，所以唔使再等佢加熱已可開餐。配料還算多，牛肉片夠腍，烏冬，腐皮，，金菇，冬菇，牛丸，心形魚丸每樣都有少少，已經夠食，唔需要再加配料啦！至於個湯底就略嫌芝士唔夠濃。細食既話2個人1鍋1小食岩岩好。