Video
Read full review
2021-02-22
572 views
尋日去完，好失望！首先食物質素一般，所謂米芝蓮星級廚師，名過其實。其次，朋友訂枱時候留咗birthday message寫名響甜品碟，點知完全冇咗件事，當場叫佢補番，出到嚟啲朱古力字有啲溶咗，而且亦冇問番生日嗰個叫咩名，完全係敷衍了事。第三，問佢拎支蠟燭，開頭有個外籍女同事話餐廳唔可以點蠟燭。我哋同佢講，個birthday message冇咗，蠟燭又唔俾點，咁其實呢餐係生日飯喎，嗰位女同事道歉完就行開。之後叫埋單，先至有個男仔施施然咁話自己係餐廳經理。例牌都係道歉同講句生日快樂，然後話其中一個甜品唔收錢請我哋食，其實我哋唔係想食免費甜品，只係想要番隻生日碟同點支蠟燭咁簡單。我又再問個男經理點解冇蠟燭，佢嘅解釋係話驚有機會activate到天花板嗰啲自動灑水系統喎...... 我再問咁如果個客自己帶蛋糕呢又俾唔俾點蠟燭，男經理又話得，咁即係其實你咁大間餐廳係冇蠟燭提供啦！結論係，除咗甜品係好食之外，其他食物都唔ok，真心唔會再幫襯！同埋奉勸各位想去呢間餐廳慶祝生日嘅朋友，請你哋自備蛋糕或者蠟燭 (切餅費我冇問)，俾唔俾你哋點蠟燭就睇嚇你好唔好彩喇！P.s. 睇到之前有另外一篇食評都係同我
首先食物質素一般，所謂米芝蓮星級廚師，名過其實。其次，朋友訂枱時候留咗birthday message寫名響甜品碟，點知完全冇咗件事，當場叫佢補番，出到嚟啲朱古力字有啲溶咗，而且亦冇問番生日嗰個叫咩名，完全係敷衍了事。第三，問佢拎支蠟燭，開頭有個外籍女同事話餐廳唔可以點蠟燭。我哋同佢講，個birthday message冇咗，蠟燭又唔俾點，咁其實呢餐係生日飯喎，嗰位女同事道歉完就行開。之後叫埋單，先至有個男仔施施然咁話自己係餐廳經理。例牌都係道歉同講句生日快樂，然後話其中一個甜品唔收錢請我哋食，其實我哋唔係想食免費甜品，只係想要番隻生日碟同點支蠟燭咁簡單。我又再問個男經理點解冇蠟燭，佢嘅解釋係話驚有機會activate到天花板嗰啲自動灑水系統喎...... 我再問咁如果個客自己帶蛋糕呢又俾唔俾點蠟燭，男經理又話得，咁即係其實你咁大間餐廳係冇蠟燭提供啦！
結論係，除咗甜品係好食之外，其他食物都唔ok，真心唔會再幫襯！同埋奉勸各位想去呢間餐廳慶祝生日嘅朋友，請你哋自備蛋糕或者蠟燭 (切餅費我冇問)，俾唔俾你哋點蠟燭就睇嚇你好唔好彩喇！
P.s. 睇到之前有另外一篇食評都係同我有一模一樣嘅遭遇，睇嚟呢間餐廳都唔係第一次漏咗客人嘅特別request。
Post