鮨一 (厚福街)

Open Now

Now Closed

今日做嘢時間係趕啲，但係知道兩個同事去鮨一度食lunch ，我都係敵唔過呢個誘惑，一定要跟埋去，最多食完早啲走返去做嘢。我要遲少少到，兩個同事就到左先，同埋先點菜，佢哋叫咗個好豐富嘅沙律，每一粒魚生都大過我手指公，沙律汁亦都好均勻又薄薄的淋在整個沙律上面，唔會太多，手術就會好膩。上邊嗰個番茄就係我最愛，我唔肯定係咩產地，食得出係日本蕃茄，特別juicy同埋甜。嘩，佢哋真係識食！叫咗好大盆刺身，而且全部都係靚野！蝦刺身方面，通常都用甜蝦或者牡丹蝦，呢一款我相信係花竹蝦吧，幾特別，肉質超彈、爽！仲有活北寄貝，超爽口，而且勁鮮甜。比起平時食到有少少紅色的北寄貝，差得遠。辣酒煮廣島號，我覺得係必點之選！記得第一次來呢間壽司店就試過呢個湯，真係一試難忘。少少辣的湯汁煮到啲大大隻的廣島蠔好淋身又入味。甲羅燒好多蛋黃伴着食，好香。