板神鉄板燒日本料理 (Closed)

發覺好耐都冇食過鐵板燒，家下板神出咗一個激安套餐，板神一向食物新鮮高質，而家價錢都好吸引，急不及待去試吓個新套餐😋店內環境地方寬敞，有數個包間，大約每個師傅招呼六至八人，鐵板燒師傅👨🏻‍🍳會根據你嘅喜好調教你鍾意嘅味道，好貼心💁🏻‍♀️✔️激安套餐 🔜套餐嘅錢財就簡簡單單嘅沙律🥬，新鮮沙律菜配上清新柚子醬，開胃菜🙆‍♀️ 跟住就到刺身三點，帶子油甘魚吞拿魚，由淺色嘅魚生食到深色嘅魚生，味道同口感會越來越豐富😛是日重點來了，原隻青龍蝦🦞 龍蝦超級生猛，師傅未煮之前仲郁來郁去。望住師傅俐落嘅手勢已經將龍蝦肉拆開，龍蝦嘅爽口彈牙配上龍蝦膏汁，超級美味嘅享受🤩再來就係牛肉薄燒🐂，牛肉五成熟，再炒過既香蔥蒜片卷埋一齊食🌯，油香四溢，香口味道佳。炒飯炒雜菜🍚，炒飯炒至乾身，粒粒分明，而炒雜菜🫛加上少量黑椒及鹽泥炒，健康清新美味，兩者都充滿鐵板獲氣味。😜當我地品嘗完個龍蝦，蝦頭會拎去準備龍蝦味噌湯🍲，一啖熱辣辣既湯，身心舒服🥳甜品是焦糖多士🍞，多士金黃脆口，超美味😋作為今餐鐵板燒嘅完美結束🔚