NINETYs (K11購物藝術館)

Open Now

Now Closed

食過佢喺銅鑼灣嘅分店，今日食過翻尋味黎到k11呢間開左冇幾耐嘅新分店。鋪面裝潢十分精緻，完美融入左商場個格調，令人感到好舒服，一入門口就係一個大大嘅open kitchen，帶比人一種衛生整潔嘅感覺一坐底就見到呢樽裝住備長炭嘅水，拿拿臨飲多幾啖，人都精神啲睇下餐牌，好多野都想試試，但係見到龍蝦真係抵受唔到誘惑，即刻嗌左兩個龍蝦意粉慰勞下自己先，上菜速度都幾快，落單唔使幾耐就有得食，龍蝦肉幫我地起好晒，基本上用叉一叉就叉起到啲肉，唔使整唔糟手，番茄意粉酸酸甜甜亦都十分開胃，配上兩個聖女果，食得十分滿足餐廳仲供應好多其他種類食物，有漢堡包，烤肉同埋沙律等等，可惜今次已經比左個胃比龍蝦意粉，下次黎一定要試埋其他招牌菜