放牛牛 (Closed)

回家途中，見到街角開左間新店，好奇之下行左埋去望望。哇！原來係雪糕店，仲要啲雪糕好靚呀！！！忍唔住衝入去試番杯！入到去，整野食個度煙霧彌漫，唔知咩事，我懷疑係棉花糖機啲粉？叫左個風牛牛。原本貪心想加多個toppings，但店員好無禮貌咁話呢個係set好左而且滿晒無位加。咁好囉，唔加囉好叻咩。之後拎左張飛等左陣，整食物既職員先話原來要比飛佢地先會整，態度又好似覺得我好蠢咁，真係嬲嬲地。雪糕終於到喇，外型真係幾靚，雪糕既薰衣草紫搭上cone既彩虹，算係消番啖氣啦！雪糕係好冰感個種，似乎同佢標榜既北海道牛乳一啲關係都無；薰衣草味聞落同食落第一口都ok，但之後就開始覺得好假同太甜。個蜜糖窩夫，食落比較乾同硬，有牛油味同咸味，但一啲甜同蜜糖味都無，叫牛油窩夫會比較合理。液態氮菠蘿，口感同罐頭既無咩分別，但真係好酸。雪糕筒好厚，亦好甜，令成個風牛牛甜上加甜，不過驚喜既係，個cone入面fill滿左朱古力脆米，最低個度有粒棉花糖，係幾得意，但不是特別好味。但令人好嬲既係，上網睇人地啲風牛牛，人人都有朵威化花花，但我個杯係！無！咖！唔知係店員唔記得擺定係賣晒，如果真係賣晒我覺得好有需要同顧客講聲，唔記