Video
Read full review
2021-04-14
207 views
位於K11 Musea 波波打卡位既中庭位置，最近新開左一間黎自意大利百年烘焙品牌既甜品西餐廳，有多款正宗意式甜品、麵包，主食同咖啡。無論係食物既質素，定係裝潢上既設計，都相當有氣派，而且價錢合理，算係一間性價比幾高既西餐廳，亦係一眾女士們必到既打卡熱點！-1⃣下午菜套餐 💰398（兩位用）（👅: 8.6/10）🔶任選蛋糕兩件揀左提拉米蘇同榛子朱古力慕絲見Menu Cover都係呢兩款就嗌左！Tiramisu咖啡香由淡入濃，層次分明，口感幼滑。而榛子朱古力同樣係啖啖榛子香，後有濃郁朱古力芳香。值得一讚係蛋糕唔會死甜或過膩，味道甜度拿捏得剛剛好，好唔錯！-🔶 雜錦手工迷你撻6件有6件唔同款既迷你撻，當中最經典之作一定係迷你酥皮吉士卷，全人手手工打造，144 層酥皮卷！入口甘香酥脆，裡面仲有吉士奶滑，味道平衡有層次，極高質！－🔶 意大利小吃拼盤有3款鹹食：黑松露野菌醬酥卷、迷你龍蝦魚子醬、24個月巴馬火腿伴寬瓜配蜂蜜松露醬。3款口味都幾高質，黑松露野菌醬酥卷味道濃郁，迷你龍蝦魚子醬蛋皮香口，而巴馬火腿伴寬瓜入口即溶，唔錯唔錯！-2⃣墨魚墨汁意大利飯 💰168（👅: 9/10）墨魚肉質肥厚；口感
-
1⃣下午菜套餐 💰398（兩位用）（👅: 8.6/10）
🔶任選蛋糕兩件
揀左提拉米蘇同榛子朱古力慕絲
見Menu Cover都係呢兩款就嗌左！Tiramisu咖啡香由淡入濃，層次分明，口感幼滑。
而榛子朱古力同樣係啖啖榛子香，後有濃郁朱古力芳香。值得一讚係蛋糕唔會死甜或過膩，味道甜度拿捏得剛剛好，好唔錯！
-🔶 雜錦手工迷你撻6件
有6件唔同款既迷你撻，當中最經典之作一定係迷你酥皮吉士卷，全人手手工打造，144 層酥皮卷！入口甘香酥脆，裡面仲有吉士奶滑，味道平衡有層次，極高質！
－
🔶 意大利小吃拼盤
有3款鹹食：黑松露野菌醬酥卷、迷你龍蝦魚子醬、24個月巴馬火腿伴寬瓜配蜂蜜松露醬。3款口味都幾高質，黑松露野菌醬酥卷味道濃郁，迷你龍蝦魚子醬蛋皮香口，而巴馬火腿伴寬瓜入口即溶，唔錯唔錯！
-
2⃣墨魚墨汁意大利飯 💰168（👅: 9/10）
墨魚肉質肥厚；口感飽滿，柔軟而鮮嫩，食得出烹調時間拿捏得恰到好處，真心正！另外意大利飯粒粒分明煙煙韌韌有口感，墨汁調味適中，同樣係非常美味。
－
3⃣帶子蘆筍意大利飯 💰188（👅: 9/10）
帶子相當厚肉，表面輕輕煎香，有帶子的鮮味，口感嫩滑。
忌廉汁配搭埋蘆筍一齊食，香滑而不膩，兩者非常夾，每一啖飯粒都有咬口，相當出色。
－
4⃣威尼斯式比目魚醬配拖鞋包 💰138（👅: 9/10）
比目魚肉砌到好似飯糰形狀，每一啖都係魚肉，絕對係真材實料，魚味清甜，好出色既前菜。
-
☕️(熱) 經典米蘭咖啡（👅: 9/10）
意大利咖啡享負盛名，呢到咖啡用上意大利原廠直送的最頂級型號WEGA My Concept 咖啡機作為鎮店之寶，咖啡水平獨步城中。由56種咖啡豆製成，馥郁芬芳，香濃可口，一試難忘；仲可以按自己喜好較返甜度同加奶，抵讚。
☕️(熱) 特濃朱古力（👅: 9/10）
入口朱古力味香滑濃郁，甜度適中。
－
整體黎講，呢間餐廳相當高質，而且以K11 Musea 中心位置黎講，性價比真心高，環境正，食物正，打卡正，值得一試！
Post
