Video
Read full review
2024-08-21
1808 views
介紹返💁🏻♀️。。🇯🇵 Food Court 在尖沙咀 🇯🇵。日本美食橫町 Showaki Food Town。新港中心2樓。🥩 鉄板•瀛 🥩昼定食 Set Lunch雞腿扒 Chicken Leg 180g。HKD138 + 10%套餐附送：是日餐湯、沙律、炒飯及甜品🍣 鮨愛 🍣香葱吞拿魚腩壽司 Fatty Tuna with Spring Onion Sushi。HKD24 + 10% @ Each海膽壽司 Sea Urchin Sushi。HKD48 + 10% @ Each🍢 天鳥 居酒屋 🍢雞皮 Chicken Skin。雞腎 Chicken Kidney。HKD32 + 10% @ Each🍰 桃子のBakery 🍰焙茶牛油蛋糕 Hojicha Butter Cake。HKD38🤫 究竟我係咪唯一一個咁遲先知道原來尖沙咀開咗間咁多嘢食咁鬼IGable嘅美食廣場㗎‼️話說尋日Lunch Time約咗去剪頭髮..同髮型師傾開偈問佢附近有乜好食..佢就煞有介事咁同我講話新港中心嗰邊開咗個好有特色嘅日本Food Court可以去試吓..就係咁～恤完個靚髮我就施施然過去呢個位於新港中心
。
。
🇯🇵 Food Court 在尖沙咀 🇯🇵
。日本美食橫町 Showaki Food Town
。新港中心2樓
。
🥩 鉄板•瀛 🥩
昼定食 Set Lunch
雞腿扒 Chicken Leg 180g
。HKD138 + 10%
套餐附送：是日餐湯、沙律、炒飯及甜品
🍣 鮨愛 🍣
香葱吞拿魚腩壽司 Fatty Tuna with Spring Onion Sushi
。HKD24 + 10% @ Each
海膽壽司 Sea Urchin Sushi
。HKD48 + 10% @ Each
🍢 天鳥 居酒屋 🍢
雞皮 Chicken Skin。雞腎 Chicken Kidney
。HKD32 + 10% @ Each
🍰 桃子のBakery 🍰
焙茶牛油蛋糕 Hojicha Butter Cake
。HKD38
🤫 究竟我係咪唯一一個咁遲先知道原來尖沙咀開咗間咁多嘢食咁鬼IGable嘅美食廣場㗎‼️話說尋日Lunch Time約咗去剪頭髮..同髮型師傾開偈問佢附近有乜好食..佢就煞有介事咁同我講話新港中心嗰邊開咗個好有特色嘅日本Food Court可以去試吓..就係咁～恤完個靚髮我就施施然過去呢個位於新港中心二樓叫做日本美食橫町嘅地方探險🧐
🤫 髮型師果然冇老點..呢度地方好大..幾乎成個空間都係以昭和時代作為主題..係嗰種香港少見..靚到每個角落都值得打卡嘅Food Court😬但係喺打卡之前我決定要好好咁樣喺呢度行一個圈..研究吓呢度有啲乜好食先😏
🤫 然後我迅速發現呢度竟然有成足足十一間唔同嘅日本料理嘅選擇咁多😲如果由正門嗰邊開始數起..先係最出邊嘅每個禮拜都有幾晚Live Music嘅Takumi Whisky Bar..然後就係食串燒飲酒嘅天鳥居酒屋..再行入啲..你嘅右手邊就有i.Ramen啦..瀛.鐵板燒啦..食Shabu Shabu或者陶瓷燒嘅松坂家..左手邊就有好多靚靚蛋糕同埋Gelato嘅桃子のBakery..隔籬就係有便當輕食嘢飲賣嘅昭和商店同埋食壽司嘅鮨愛..再再行到成個廣場最後邊就係自設好多個海鮮魚缸..可以即撈即燒嘅海宝水產..最後嘅最後..行返去出口嗰邊就有成個美食橫町最受歡迎嘅石田屋Cafe同埋預約困難嘅原鉄道咖啡店(睇嚟我啲記性都幾好🤪)
🤫 淨係欣賞成個橫町嘅設計同研究佢哋嘅嘢食都用咗我成十分八分鐘(都未計打卡拍片影相🤭)最後選擇困難症嘅我決定入去鉄板•瀛嗰度享受一個鐵板嘅午餐先再講～
🤫 講真..位於尖沙咀一個咁繁榮嘅地方..仲要咁不惜工本打造一個咁靚嘅昭和時代美食街..入邊有一間裝修得又係好有格調嘅鐵板燒..仲要係有專人喺你面前烹調嘅一個午餐..竟然都只不過係賣緊百五蚊有找..唔講其他嘢..淨係以上種種個人都真心覺得非常之性價比
🤫 我揀咗嘅係雞髀肉鐵板燒嘅午餐..師傅喺我面前即席將雞髀肉煎香再打咗個洋蔥芡汁..同一時間侍應姐姐們將跟餐嘅麵豉湯沙律前菜同埋調味料等等送上..不得不攝一句..佢哋全部Staff嘅服務態度都好好👍🏻呢啲嘢喺細微位就可以留意到..譬如係佢俾咗個QR code我落單之後仲會好有禮貌咁樣加多句..其實你諗到想食乜嘢叫我落單都可以㗎😌(喂呀～前排先睇到講緊某啲餐廳侍應覺得有QR code就唔應該搵佢哋人手落單之類嘅負評..即刻成個人都俾佢哋嘅服務態度Impress到)..就係連添茶添水都非常之細心周到👍🏻有陣時食嘢..嘢食好唔好味當然重要..但係啲Staff有Heart先至最可以留得住啲客🙆🏻♀️
🤫 講返嘢食先～師傅兩三下手勢就已經將非常之嫩滑嘅雞髀肉煎好..配埋洋蔥汁相當之惹味開胃..再加上跟餐嘅蛋炒飯成件事非常之豐富而且滿足😌真心同某啲貴價專食鐵板燒嘅餐廳唔差得遠
🤫 事情係咁嘅..翻返去我仲喺度猶豫不決究竟要去食鐵板燒定一話去鮨愛食壽司好嗰陣..有善嘅侍應妹妹就過嚟講咗個驚為天人嘅資訊俾我知😲原來佢哋個QR code係可以落埋哩度另外三間餐廳嘅Order㗎‼️嘢食Ready仲會有專人送上門添呀🤩呢個設計好正喎～好適合選擇困難又為食嘅我去篤唔同嘅嘢..然後他他條條咁等食呀😎你話嗰區區嘅加一係咪抵俾先
🤫 係喎～喺呢度題外話一下先..我要幫佢澄清一下..淨係入去有人Serve你嘅餐廳入邊坐低食先至需要俾加一㗎咋😬坐喺出邊自己Order自己拎嗰啲係唔使俾加一㗎😳可能我講得唔夠清晰..唔好嚇親大家～
🤫 即刻嚟講返嘢食先🍣壽司叫咗兩件軍艦..分別係拖羅蓉軍艦同埋海膽軍艦..佢係精緻細細件嗰啲壽司嚟嘅..拖羅蓉同壽司飯基本上係一比一..我就最鍾意食啖啖肉㗎啦😇好正..然後海膽軍艦嘅海膽高質勁鮮甜..簡直係大滿足～
🤫 仲有仲有..我仲叫咗天鳥居酒屋嘅燒雞皮同埋燒雞腎😂都燒得幾唔錯喎～雞皮燒得夠乾身夠脆口..相當惹味😋 雞腎呢～犀利就犀利在表面係乾身香口嘅..但係入邊Keep住都仲有啲爽口Juicy..如果過去嗰邊同朋友飲啤酒食串燒應該係一樂也㗎😙
🤫 真係講出嚟都驚嚇親你..其實呢..食飽飽埋單之後我咪繼續周圍行吓搵吓地方影相拍片咁嘅..行到埋去桃子のBakery嘅時候..俾我發現佢哋竟然有焙茶牛油蛋糕😲所以咪..叫咗個嚟試吓囉🫣喂呀～坐喺屬於Bakery嘅Area..啲枱枱凳凳都特別Elegant啲㗎..又係俾啲Staff Nice到..見我食件蛋糕咁Dry..斟咗杯暖水俾我🤯真係好Warm㗎～
🤫 蛋糕方面..佢唔係平時好軟綿綿鬆泡泡嘅嗰種蛋糕..而係相對實淨啲有口感重啲嘅牛油蛋糕..焙茶味相當之香濃..焙茶控絕對應該去嗰度試吓㗎👍🏻
🤫 嘢食方面呢大概就係咁多啦～差啲唔記得提及一下..呢度嗰十一間餐廳入邊..我已經決定下次一定要預先Book位去試吓聽講話預約好困難嘅原鐵道咖啡店🚃佢哋出名就出名在成間Cafe都係以日本古董火車做主題㗎～點樣形容好呢？外邊睇就係一架古董火車泊咗喺個站頭嗰度..入到去餐廳又會見到另外兩卡藍色嘅古董火車..車廂入邊嘅卡位配合好多個Keep住播放日本景色嘅電子屏幕..模擬真正嘅火車車廂咁樣..喺呢度享受咖啡三文治或者Pasta就有如置身日本一樣～就算你坐唔到入去火車入邊嘅卡位..坐喺出邊嗰啲喺火車站月台嘅小圓枱位置又有另外一番風味㗎🎑
。。
翻兜指數：🙆🏻♀️🙆🏻♀️🙆🏻♀️🙆🏻♀️ （5個🙆🏻♀️為翻兜爆燈)
。。
Post
