新泰東南亞餐廳 (太子集團中心) (Closed)

請好朋友食生日飯，其實已經第二次嚟呢度食，呢度泰菜最主要係材料夠新鮮，味道又夠鮮，十足似去咗泰國食咁。鍾意呢間餐廳老闆同員工都好細心，又友善，好有合作精神。嚟到就沖柸暖水，見我咳就經常補多d 暖水俾我。入返正題，今次試叫「鮮生蝦」，蝦肉肥味，彈口多肉。最好味係個調味汁好香好野味！跟著要大讚「翡翠螺」，隻隻肉都好大，超彈口爽口，無怪味只有鮮味！推介！正係超新鮮！朋友鍾意食「冬蔭公」，佢話好鮮味，蝦仍然係大大隻。我本人本身對冬蔭公沒有特別大喜好，不好都好好飲。跟著嚟咗我最鍾意食嘅「南瓜海鮮焗飯」，呢個要極力推介，南瓜好香濃，南瓜汁同軟綿綿嘅飯溶埋一起，簡直水墨交融，交融合境嘅味道，仲食到陣陣嘅海鮮香味！講起都想再食！最後叫咗「軟殼蟹香椰咖哩焗麵包」，呢個係第二次叫，上次食可能因為有十幾人一齊分，少食多之味，今次兩個女仔食就真係太流了，開始食都好味，但食食下已經好濟好飽，有點過咸...總結，環境夠靜，又靚，岩哂一班朋友嚟食嚟傾計，重點食材夠新鮮，味道又好味，價錢都合理！推介！