泰斗 (中達大廈)

Open Now

Now Closed

一年前既今日同班朋友去左泰國，真係好懷念所以約左泰國之友去食泰國野懷緬一下聽聞呢間餐廳好正宗，一於訂枱試下！雖然地點係尖沙咀，但餐廳旺中帶靜，氣氛好好啊，二人世界又得，一大班人亦得！首先當然要黎個必叫既冬陰公湯啦！個湯酸酸辣辣好醒胃，辣得黎味道適中，好味到一口接一口，而且用料十足我地叫左個大既，大約可以有6-7碗，仲有專人為你服務，好貼心！小食併盤，有魚餅，蝦餅，春卷，雞翼雞翼好野味，蝦餅有蝦既鮮味仲幾彈牙，其他一般推介： 芒果沙冰，真係好好飲，打得好滑，雖然唔係粒粒芒果肉，但飲落去果下充滿左芒果味！而且好大杯，夠飲成餐飯，好抵飲！招牌咖喱炒蟹：呢個真係招牌菜，我地都係見到隔離台有人叫，見到好正而跟住叫個泰式咖喱帶甜帶酸，個醬有蛋黃質感，好開胃，唔算辣，適合啲唔係好食得辣既朋友。講返隻蟹真係好有肉感，係貨真價實既肉蟹，大大隻蟹竿揸住食，啖啖肉，點埋個咖喱汁，真係好滿足！