Video
Read full review
2011-03-20
77 views
尖沙咀新食廈The Hart似乎跟牛都幾有緣，繼先前開張嘅和幸吧同埋吽之外，另外亦有兩間以牛扒為主嘅食肆Wonderland Too同埋Stone Grill準備開幕。今次到來嘅Wonderland Too門口裝修格局似曾相識，原來正係人氣熱店OWL Our Wonderland分店，改走高格調蠔吧扒房路線，而餐廳仍在試業階段，到四月中先至正式開張。餐廳設計簡單，以黑白兩色的木傢具為主，室內有落地玻璃可以間隔成VIP房作派對場地，另設有跟和幸吧差不多，但無上蓋嘅露台，讓情侶可以在蛋形燈下享受鬧市底下嘅浪漫，感覺都幾舒服。今次一行六人到來，決定要一份四人套餐($928)再另點選其他食物，而平均消費每人約$250至$300，以尖沙咀西餐廳來講，價錢份量算合理公道。先來套餐嘅生蠔，今次八隻同樣係來自英國嘅高車士打蠔Colchester Oyster，入口Creamy而且略帶海水味，鮮甜味美。雖然蠔肉本身無殘留碎殼，但有部份貝柱位未能完全割開，開蠔手水準仍有進步空間，不過整體仍然感到滿意。生蠔過後來個套餐以外散叫嘅廚師西門沙律($118)，呢份沙律主要為紅柚肉，橙肉，提子乾，松子同埋有機生菜，
餐廳設計簡單，以黑白兩色的木傢具為主，室內有落地玻璃可以間隔成VIP房作派對場地，另設有跟和幸吧差不多，但無上蓋嘅露台，讓情侶可以在蛋形燈下享受鬧市底下嘅浪漫，感覺都幾舒服。今次一行六人到來，決定要一份四人套餐($928)再另點選其他食物，而平均消費每人約$250至$300，以尖沙咀西餐廳來講，價錢份量算合理公道。
先來套餐嘅生蠔，今次八隻同樣係來自英國嘅高車士打蠔Colchester Oyster，入口Creamy而且略帶海水味，鮮甜味美。雖然蠔肉本身無殘留碎殼，但有部份貝柱位未能完全割開，開蠔手水準仍有進步空間，不過整體仍然感到滿意。
生蠔過後來個套餐以外散叫嘅廚師西門沙律($118)，呢份沙律主要為紅柚肉，橙肉，提子乾，松子同埋有機生菜，再加上提子黑醋汁，味道清怡，夠晒健康。
再來一份頭盤薄切生牛肉片($128)，牛肉片切得好薄，配埋火箭菜同Parmesan Cheese，牛肉味夾雜Paramesan獨有果種粗糙口感，感覺非常討好，而牛肉上面似乎加左少少松露油，食起上來更加香口。
頭盤過後來餐湯及麵包，是日餐湯係大蒜薯蓉湯，鮮甜美味，質感厚滑，席上眾友人個個叫好。反觀麵包只屬普通貨色，食落尚算鬆軟，但如果唔係有黑醋作伴，應該早已將佢放棄。
主菜到來前先送上煙肉蛋黃汁意粉同埋海鮮意大利飯，前者煙肉夠鹹香，意粉亦夠彈牙，唯獨蛋黃汁未夠香濃，整體只係不過不失。相反Risotto食落有驚喜，飯粒質感濃稠，口感極佳，飯粒跟醬汁配合得天衣無縫，內裡蜆肉粒更能帶出海鮮鮮味，非常好味，如果能夠將蝦鬚先拔掉，方便食客就更完美。
四人套餐主菜部份可以四選二，今次叫左平時好少點選嘅無骨燒春雞配露絲瑪莉汁。呢份春雞份量絕對唔夠春，雞皮微脆，雞肉亦嫩滑，水準的確唔錯，所以跟本唔駛蘸醬汁已經好好食，個人推介！
另一份主菜最穩陣選左燒紐西蘭西冷牛扒，牛扒雖叫Medium Rare，可惜送上檯時已係Medium well或者可以話係接近Well Done，雖然生熟程度跟自己意願有出入，但呢份牛扒本身質素唔錯，以呢個價位黎講已經算收貨。跟負責人Kenji反映左呢個問題外，我亦對牛扒刀稍有意見，據聞呢度所用嘅牛扒刀鋸齒位跟其他稍有唔同，而且更特意支持由香港製造嘅產品，頗有心思，不過令我最深印象應該係呢把牛扒刀原來可以企起身，有趣！
主菜過後大家雖然已經飽左八九成，但甜品永遠都係有另一個胃可以放入去。最後要左三份甜品一齊分享，分別係意式朱古力奶凍，脆蛋白配鮮果同埋意大利芝士芭菲，三樣同樣都係$55。前兩個甜品水準中規中距，我反而對意大利芝士芭菲較感興趣，Kenji解釋佢地嘅Tiramisu有別於出面，完全無加入魚膠粉，所以口感截然不同，絕對係一個既討好又創新嘅嘗試。不過今次咖啡粉似乎重手左少少，不愛咖啡的話就一定會被嚇怕...Wonderland Too仍在試業階段，食物方面雖然唔錯，但仍有改善進步空間，而最值得一讚係幾位侍應服務態度好好，面上長期充滿笑容，而對客人要求亦樣樣做到足，我所有問題亦有完滿答覆，值得嘉許，期待正式開業後可以做得更好。
Post
