Video
Read full review
2015-05-15
803 views
中伏位::::::: 用$12買$20現金券真係抵？ 小情侶經常都會Search吓團購網搵優惠，今次用每張$12的價錢，買咗10張亞坤的$20現金券，在尖沙咀店兌換，竟然係惡夢的開始。. 話說亞坤呢條過江龍，挾住新加坡嘅名氣嚟香港開店都有一排，之前又話排晒隊又好多傳媒報導咁，所以一直都想試。咁啱見Yahoo團購有優惠，就中…伏…了！.. ▼ … 伏位1: 兌換時間 … ▼. 買嗰陣，條款及細則只寫：「請留意兌換日期，逾期優惠券不設延期服務，不得退款及不得兌換其他產品」。. 到你買咗之後。張Coupon先會寫明：「(尖沙咀店)兌換時間: 星期一至五 8:00am-6:30pm; 星期六及日 8:00am-11:00am; 公眾假期除外」(銅鑼灣店早半個鐘7:30開始). 再三檢查，究竟買之前，邊度有mention兌換時間？？原來佢放咗喺最底的「自行換領地點」嗰度!! 條款及細則佢唔寫，中間隔咗10萬幅圖之後先放兌換地點的地址，然後當中混合埋兌換時間. . 一個字, 狗！但，人哋係有寫，我辜且怪自己冇睇清楚所有字！ .. ▼ … 伏位2：每次買嘢只可便用一張現金券 … ▼. 條款及細則寫住
中伏位::::::: 用$12買$20現金券真係抵？
小情侶經常都會Search吓團購網搵優惠，今次用每張$12的價錢，買咗10張亞坤的$20現金券，在尖沙咀店兌換，竟然係惡夢的開始。.
話說亞坤呢條過江龍，挾住新加坡嘅名氣嚟香港開店都有一排，之前又話排晒隊又好多傳媒報導咁，所以一直都想試。咁啱見Yahoo團購有優惠，就中…伏…了！
.
.
▼ … 伏位1: 兌換時間 … ▼
.
買嗰陣，條款及細則只寫：「請留意兌換日期，逾期優惠券不設延期服務，不得退款及不得兌換其他產品」。
.
到你買咗之後。張Coupon先會寫明：「(尖沙咀店)兌換時間: 星期一至五 8:00am-6:30pm; 星期六及日 8:00am-11:00am; 公眾假期除外」(銅鑼灣店早半個鐘7:30開始)
.
再三檢查，究竟買之前，邊度有mention兌換時間？？原來佢放咗喺最底的「自行換領地點」嗰度!! 條款及細則佢唔寫，中間隔咗10萬幅圖之後先放兌換地點的地址，然後當中混合埋兌換時間.
.
一個字, 狗！但，人哋係有寫，我辜且怪自己冇睇清楚所有字！
.
.
▼ … 伏位2：每次買嘢只可便用一張現金券 … ▼
.
條款及細則寫住: 「每人每次最多可作5個交易，每個交易可用1張現金券，即每人每次最多可用5張現金券」
.
好多人都俾「每人每次最多可用5張現金券」呢句誤導咗。無論你買幾多樣嘢，每次都只能夠用一張$20現金券。即係唔可以夾埋2張券當你有$40咁用。
E.g買18蚊 + 22蚊嘢, 如果夾埋當一個交易, 就只能用一張券。分開就要用兩張券， 即係買$18你會蝕$2 , 買$22你要補多$2！
.
呢個point，在場人士個個都賴晒嘢。見有人理論都冇用.侍應話: 「我講乜,就係乜」OK. 佢又真係有咁寫. 只不過好似人大釋法咁, 佢想點解釋就點解釋.
.
.
▼ … 伏位3：朝早冇嘢食 … ▼
.
好啦,到咗呢個moment唯有跟佢每樣嘢用一張券買啦！我頂你個肺，原來喺佢朝早嘅限定時間入面（星期六及日 8:00am-11:00am），除咗麵包類嘅食物之外，其他食物一律冇得供應！想食麵包類嘅嘢，就只可以星期一至五嘅6:30pm前去！而返工嘅人根本
冇可能呢個時間去到。
.
團購內容＋全店餐牌根本冇寫明邊啲食物限下午供應！呢個位真係擺到明誤導消費者！店無恥，便無敵！
.
.
▼ … 伏位4：人龍的假象 唔係撈的店員 … ▼
.
咪見呢間嘢成日排晒長龍咁，就以為佢好受歡迎、好多人幫襯！咁只係因為收銀條友，根本唔係收銀的！佢收收吓銀會突然間死咗入廚房唔知做乜，又會去塗麵包/
.
沖嘢飲，而其他樓面店員就行行企企，喺你面前行小碎步，真係睇到我呆Ｘ晒！而呢個時候，人龍已經排到門口外面！我男友足足排咗25分鐘先買到嘢食！真係火
都嚟！
.
.
▼ … 伏位5：不堪的服務態度 惡劣的用膳配套 … ▼
.
坐低嘅時候見成枱都係麵包碎，就叫店員嚟抹，而佢抹完後，都仲係依然有麵包碎的！店內有水機，但水機嘅水有超級無敵多浮游生物，見到都作嘔，唔想俾人飲
水，不如唔好擺吧啦！好嘞，受咗咁多冤屈之後，終於有店員拎個餐埋嚟俾你喇，而，佢係唔會拎齊啲餐具嘅！我諗，佢應該係想我哋用．手．食！
.
.
▼ … 食物質素 … ▼
.
一般，真係好一般. 而經歷完以上種種,勿論食物如何,都一定係永不回頭幫襯。
.
早餐: 多士係薄而脆的. 蒸包,揀有芝士同火腿的比較食得落口，介young真係好鬼死甜,唔好味. 糖心蛋, 完全唔覺有糖心, 就是很普通食得入口的一隻蛋。真心覺得好味同特別嘅, 只有「法式咖椰芝士吐司」一味......
.
午餐 (再上一次去,話過左11:00唔俾用coupon而用正價食的) :
.
喇沙 – 失望! 唔好食的. 同我在沙巴食的相差太遠. 虧佢仲話自己係馬來正宗口味.
.
椰醬飯 – 個飯其實不錯，有椰香的飯幾好味。俾佢舊炸雞奕，本該脆的外皮是“腍”的……雞肉亦當然唔見得係嫩. 差勁.
------------------------------All in all, 今次當俾錢買個教訓. 只希望大家睇完呢篇文, 唔好再無辜受害好了。
Post
