Futago HK大阪燒肉

Open Now

Now Closed

早兩個星期喺棉登徑搵食已留意到呢間大阪燒肉就開業，於是早兩日book定枱食早段時間，但由於唔知大塊和牛係要預訂，所以冇訂到，但好彩去到都叫到。是夜3人，大約5點45分開始食到7點滿腹走人。點咗塩燒牛脷，大腸小腸牛峽面盛，特大塊和牛，兩隻燒帶子，兩個燒蟹蓋，及和牛紫菜卷。除咗特大塊和牛及蟹蓋交由店員燒之外，其他都決定自己燒，享受吓燒肉樂趣店員燒特大塊和牛前會教你準備講口號，全場店員又會高呼和應，好有氣勢同氣氛！一邊燒亦會一邊講解成塊和牛嘅唔同部位及燒法。雖然話就話中間部位最好食，但....其實係....成塊都好食 。肉質鬆軟，唔會切得過薄。牛脷、牛峽面、牛大腸、牛小腸都好食，不過腸比較肥，燒起唻比較搶火，要小心啲。燒帶子完全唔會"un"，只配以一小粒牛油，完全食到帶子本身嘅清甜。燒蟹蓋，蟹肉加上蟹膏及蟹子，撈埋再配紫菜包住食，略為少少咸，但好味！追加份和牛紫菜卷，一碟4大件，每嚿一搭食唔哂。雖然紫菜唔脆，但都好食。配以橙橙地色嘅辣醬，幾野味可口。全餐飯不停添飲住粟米茶，解解油膩。最後，店員奉上酸奶，熱粟米茶，為完整一餐劃上句號。（不過......酸奶質地好"結"，唔係人人都頂得住，我..