飲茶 (Closed)

每年聖誕都食西餐, 今年一於反傳統食中餐!!!餐廳喺一間新酒店入面, 環境裝修都新潮, 坐位唔算闊, 有少少逼。人多嘅時候都幾嘈, 如果要求靜靜地食飯嘅朋友, 唔會推介。 佢有2人,4人餐, 仲有一張點餐紙。茶可以選擇: 紅棗紅袍, 綠茶同洋甘菊茶。揀左紅棗紅袍, 紅棗味唔濃因為加左一粒紅棗。揀左小食拼盤 $109可以揀3款小菜, 都抵嘅, 佢啲小菜份量都唔算細份。七彩茄子: 都幾惹味, 唔係好辣。調味啱啱好。唔係太油, 好味!!!口水雞: 麻辣味濃, 啱哂我呢個重口味嘅人。應該用左雞脾肉, 唔鞋, 仲要去左骨, 食落好方便!!! 佢仲有花生, 蓮藕同青瓜喺底。好惹味, 對我黎講唔算太辣。之後我仲用左口水雞嘅汁黎撈粉皮。雞絲拉皮: 麻醬味濃, 粉皮爽口, 但雞絲份量較少。可以唔洗試。正正常常。一籠八戒: 豬仔造型好得意呀。呢個其實係叉燒包! 包鬆軟, 叉燒餡份量適中, 唔會太咸, 食落好似冇咩肥肉, 感覺健康啲。呢個係雀仔型嘅鳳梨酥! 連埋個雀籠上, 一樣好得意唔算太甜, 皮鬆化。唔好以為細細粒唔會太飽, 但食左甘多嘢之後都有啲飽飽地! 推介, 可以一試。仲叫左個咕嚕肉, 唔記得影相。