越味皇 (Closed)

呢日晏晝嚟到荃灣，見好耐無食越南菜，就同朋友走咗入呢間越味皇。餐牌上面都幾多選擇，我哋叫在:越味皇頂級生牛肉湯河 ($68) - 牛骨清湯底夠鮮甜，薄切的牛肉牛味濃，加入青擰汁同紅椒，更能帶出整碗湯河的鮮味😋越式燒魚 ($88) - 魚夠厚身肥味，魚皮燒得好香口，魚肉juicy, 加上香茅、薑、黑椒、辣椒，配上個酸辣汁，夠晒香口好食，推介！👍越式柚子鮮蝦沙律 ($68) - 有煎香嘅蝦、柚子肉瓜絲、紅蘿蔔絲、白蘿蔔絲、花生，用料優質新鮮，配上個酸酸辣辣嘅沙律汁，清新開胃😘越式燒牛肉串燒 (3串)($48) - 燒過嘅牛肉表面香口，入面肉質嫩滑，調味時加入香茅絲，配上廚師秘製沙嗲醬，正！越味皇牛油蒜蓉鷄翼 (4隻) ($45) - 鷄翼外皮炸得鬆脆，入面juicy, 配上牛油同香脆鬆化嘅炸蒜味，惹味好食！河內蒸粉卷 ($42)  - 滑溜嘅粉皮包住白白蘿蔔絲、 紅蘿蔔絲、肉碎，味道鮮甜，加上酸甜汁，不俗！椰青 ($30) - 大大個清甜滋潤，跟飯、粉只需$20，夠晒抵飲😋滋補龍眼冰 ($28) - 甜度適中，消暑解渴😘呢餐食物好味，服務亦好，價格公道，满意！👍