Cherry Tokyo Cafe (愉景新城) (Closed)

趁著聖誕節前，特意約朋友來到荃灣吃東西，由於荃灣嘅行人天橋網絡四通八達，加上唔熟呢區，行下行下先知嚟咗愉景新城，咁啱見到有間日式西餐廳Cafe幾好咁，就入去試下！我叫咗一個Set Lunch, 配有沙律、麵包呢啲基本嘢，另加10蚊有飲品。特別想講下佢嗰個蕃茄芝士去骨燒春雞。成道菜都幾濃味，蕃茄同芝士味互相配合，雞燒得啱啱好，並冇過老情況出現。而且分量都都多，雞大大隻，最重要嘅係雞去咗骨，啖啖肉。配菜方面都幾好，味道應該係刻意減輕少少嘅，食到嘅主要係食物本身嘅原味，啱啱好可以減少雞嘅油膩感。其實近年好多日式西餐廳都做得幾好，唔少甚至好過正牌西餐廳添！