正宗山西刀削麵皇

Open Now

Now Closed

通常黎開荃灣首選都會食呢間刀削麵，其實係佢未出名之前都唔使點排隊，但係出咗名之後而家基本上每次都要等，雖然都唔係等好耐，而且我都覺得值得。每次嚟食都會叫麻辣，之前就食開麻辣手撕雞湯刀削麵，今次轉下口味食麻辣豬頸肉湯刀削麵，兩者都一樣出色。感覺上麻辣豬頸肉無麻辣手撕雞咁辣，可能因為無咁索味。豬頸肉都有啲脆口，但唔會太乾，再配埋蒜頭粒同麻辣醬好惹味。坐係餐廳可以望到廚房係即叫即削啲麵，麵條有咬口，唔會太厚或者太薄，煙煙韌韌幾好食，價錢唔貴夠晒地道又飽肚，行開來荃灣嘅可以來呢度朝聖！