Video
Read full review
2016-06-20
2328 views
朋友係食家, 佢一心介紹我地到荃灣食新晉西餐廳, 並且認為價廉物美; 更訂好位, 專車送我地到荃灣Stella's門口 可謂誠意十足十. 食家朋友時常出動發掘不同食店, 佢對美食o個團火燒得好旺盛. 第一印象 一入門口對Stella's既印象不錯. 骨子既西式裝修而且枱與枱之間空間合適唔會隔離枱講野都聽到晒, 落地玻璃予人空間感(雖然只係車房街景). 開始睇餐牌 有位斯文男生來介紹餐牌, 一個星期五7點既晚上.....(我先講我心情).....好掃興!!! 如無記錯, 餐牌上Main course有4個選擇, 但有2個係變動左既. 蜆意粉變左蟹肉意粉; steak變左羊扒!!!而無跟餐既menu其中paella ($6xx for 2) 要提前一日預訂 . 食家朋友眼利, 見到M5 Australian Wagyu 600g 更大幅由($4xx 加至 $6xx). 1.2Kg價錢不變. 因為個餐牌好唔吸引, 我地4人左諗右諗左好耐先勉強開始落柯打.落柯打 明顯Stella's既服務員係好green and inexperienced. 當佢問我朋友要咩
第一印象
一入門口對Stella's既印象不錯. 骨子既西式裝修而且枱與枱之間空間合適唔會隔離枱講野都聽到晒, 落地玻璃予人空間感(雖然只係車房街景).
開始睇餐牌
有位斯文男生來介紹餐牌, 一個星期五7點既晚上.....(我先講我心情).....好掃興!!!
如無記錯, 餐牌上Main course有4個選擇, 但有2個係變動左既. 蜆意粉變左蟹肉意粉; steak變左羊扒!!!
而無跟餐既menu其中paella ($6xx for 2) 要提前一日預訂 . 食家朋友眼利, 見到M5 Australian Wagyu 600g 更大幅由($4xx 加至 $6xx). 1.2Kg價錢不變.
因為個餐牌好唔吸引, 我地4人左諗右諗左好耐先勉強開始落柯打.
落柯打
明顯Stella's既服務員係好green and inexperienced. 當佢問我朋友要咩, 我朋友話pan fried salmon因我又要同一樣, 所以我話兩個, 佢就搞唔掂叫我等陣! 餐牌都唔係好熟, 要我地遞埋D個餐牌佢抄.
上餐
先講麵包!!! 食家朋友叫一位服務員比Olive Oil (因跟包送來既都有醋而朋友唔呷醋), 轉個頭就無左件事 , 一直都無. 朋友唯有叫剛才位斯文男生攞並及時同佢指出D包比起之前少左一半份量islike ((((之前係一人兩個包). 佢首先話自己唔記得訂另一款包(咁咪同一款包比兩個囉!!), 後來又話果款包好貴(即係點? 縮皮!). 朋友話佢第一次幫襯時仲有8折優惠都比到足(因新開張), 而家正價就縮水!!!!
頭盤. 3個都唔錯. 朋友叫tuna salad, slow cooked egg with mushrooms truffle (無影相添) 同我既mozerrella cheese salad.
Maincourse. 我同朋友既pan fried salmon 一上餐時全枱人同一反應....."咁腥既?!" 聞落好腥, 食落好少少. 不過只係一個唔會令人encore既魚扒. 留下最深刻印象都係個"腥"字, 但單據上寫明"是日精選鮮魚" , 如果做唔到"鮮魚", 希望餐廳改一改以符合商品說明及照顧客人expectation.
跟住食家朋友既蟹肉意粉. 好濕, 意粉過林蟹肉好少好碎 食家梗係好失望啦.
其中一位朋友叫 duck confit, 係單點唔係餐, 但佢係最遲上餐果位. 其實我食完個salmon佢先到, 明顯廚房唔夠細心. 人家無頭盤淨食"一個包"等到尾. 講番個duck confit. 上菜時朋友都嘆氣一聲. 明明餐牌都叫duck leg confit, 又唔係duck drumstick!!! Stella's好明顯控制成本而疏忽左質量 隻鴨腿唔見左一截. 又無乜伴菜. 單點$178有點那過. 呢個作為maincourse係唔夠飽.
最後 - coffee or tea
如果喜歡black coffee既朋友記得講明, 原來佢上coffee時已經落左 (o嘴), 不過coffee好濃味道十分唔錯. 同一位服務員落柯打隔十分鐘上飲品佢已經無一樣記得邊個叫邊樣. 其實o係我既食評成日都提, 又唔係茶餐廳, 呢度少少野又唔要求好多經驗或者要特別training, 呢D係加分位, 點解做唔到?
總結 - 60分
一間開左幾個月既餐廳已經出現食物質數參差及縮皮問題, 而且食物又唔算出色. 再加上服務水準十分一般; 明顯餐廳管理手法極需改善. 好彩開o係荃灣區而唔係尖沙嘴呢D旺區, 不過Stella's附近都有好多餐廳, 要敵得過競爭還需要跨出一大步.
Post
