Stella's Bar & Restaurant (Closed)

見在屋企附近，睇啲食評又幾好，餐廳裝修吸引，於是充滿期待去試下，點知都係好壞參半…兩個人有成大盤麵包，真係有點驚訝，又有親切感（街坊包），款式多味道當然都ok～我揀咗西冷扒餐288蚊，老公揀咗個魚餐百幾蚊，個頭盤火腿蜜瓜份量好夠，而且味道不錯，幾好㗎～蜜瓜新鮮。而我老公話佢個溫泉蛋味道不錯，味道就單一些。個南瓜湯幾好飲，有南瓜濃味但係唔會太甜，有少少薑汁帶出滋味。講咗咁耐點解好壞參半呢？因為出事在大盤西冷牛扒五成熟，外形似模似樣，但係可惜乾身，好費力先至咬得動，可惜～老公笑魚整體都係偏鹹，調味太重。甜品要另外叫，個南瓜批其實味道同質感都Ｏｋ，唔太甜，有啲似蛋糕，但係佢賣相嚟到枱面竟然係缺角有啲出奇…另外紫薯薑味啫喱奶凍，啫喱同奶凍都唔錯，可惜敗筆在那個焗紫薯碎，硬掘掘，咬唔開，唔知做乜嘢…對我嚟講最失望嘅其實係杯酒，叫咗house red，竟然係好酸…我懷疑係開左一段時間單寧變酸嘅味道…因為我哋有加甜品，結果埋單七百幾蚊，以佢嘅服務質素同食物水平，唔值呢個價錢。 比起平時我食呢啲價錢嘅餐廳，水平未到。 間鋪頭係半開放式廚房，玻璃望到入面除咗一個著住廚師衫嘅廚師，另外嘅幫廚全部都係著t-