稻香 (Closed)

幾日前係屯門市廣場食咗餐要逐碟計嘅火鍋，今晚點都要食番餐期待已久嘅稻香火鍋放題。等埋老婆收工一齊去食。今晚橫掂都無地方去，早啲去排隊先，我大約晚上7點15分去到，坐係度等。到大約7點50分左右，職員就叫我去接待處排隊排頭位，一到8點正就開始派飛。當然係第一位啦，等到8點30分就可以入去啦。果然係放題，全部嘢食同平時逐碟叫嘅一樣，一樣有海蝦、生蠔、花膠…………飲品都係任飲(即係已經包埋自助吧)。味道同平時一樣，抵食過逐碟叫好多，不過就要夜啲先有得食。