Video
Read full review
2022-08-18
284 views
無論食物質素，服務， 衛生情況 都係完全唔得大家都唔使去。首先間舖嘅衛生情況完全唔得， 我哋一坐低，個餐牌係油嘅， 直頭有啲醬汁喺上面， 個地下仲有上一手客人用過嘅紙巾，牙籤。我哋三個人去食，平時食嘢都唔算多，咁我哋叫咗個四人餐， 點知三個人食四人餐都可以食唔飽！ 因為有個人啲牙咬唔到芥蘭，所以要求轉通菜，點知高高瘦瘦嗰位女侍應 (當日佢係坐喺收銀處) 態度非常惡劣 ，好串咁話 '我哋唔可以轉'， 咁我哋當場直接同佢講 '之前有幫襯過 都可以轉'。 跟住佢走去收銀隔離問另外一位侍應，講完一輪就返嚟話 '我啱啱問過廚房，廚房話唔可以轉！' ， 全程態度係非常惡劣，咁我哋堅持要轉，佢就拎走曬啲餐牌，轉身就走咗去。 (下面張收據證明個侍應係講大話，上面清楚表示轉通菜，即係電腦落單係有得撳， 既然有呢個選項，咁點會唔轉得！？)講返啲食物質素都係完全唔掂 ！首先係個豬頸肉，邊位根本係未熟透，肉帶紅色， 蝦餅一睇就知係急凍貨色， 食落去都唔知自己食緊乜， 嗰碟馬拉盞通菜鹹到好似飲鹽水咁樣！ 至於嗰條烏頭，上枱嗰陣時直情係未熟， 正常廚房應該起碼到八成熟先上枱，嗰條魚都唔知有冇三成熟就拎咗上嚟， 入
首先間舖嘅衛生情況完全唔得， 我哋一坐低，個餐牌係油嘅， 直頭有啲醬汁喺上面， 個地下仲有上一手客人用過嘅紙巾，牙籤。
我哋三個人去食，平時食嘢都唔算多，咁我哋叫咗個四人餐， 點知三個人食四人餐都可以食唔飽！ 因為有個人啲牙咬唔到芥蘭，所以要求轉通菜，點知高高瘦瘦嗰位女侍應 (當日佢係坐喺收銀處) 態度非常惡劣 ，好串咁話 '我哋唔可以轉'， 咁我哋當場直接同佢講 '之前有幫襯過 都可以轉'。 跟住佢走去收銀隔離問另外一位侍應，講完一輪就返嚟話 '我啱啱問過廚房，廚房話唔可以轉！' ， 全程態度係非常惡劣，咁我哋堅持要轉，佢就拎走曬啲餐牌，轉身就走咗去。 (下面張收據證明個侍應係講大話，上面清楚表示轉通菜，即係電腦落單係有得撳， 既然有呢個選項，咁點會唔轉得！？)
講返啲食物質素都係完全唔掂 ！首先係個豬頸肉，邊位根本係未熟透，肉帶紅色， 蝦餅一睇就知係急凍貨色， 食落去都唔知自己食緊乜， 嗰碟馬拉盞通菜鹹到好似飲鹽水咁樣！ 至於嗰條烏頭，上枱嗰陣時直情係未熟， 正常廚房應該起碼到八成熟先上枱，嗰條魚都唔知有冇三成熟就拎咗上嚟， 入邊直頭出血，我哋有叫侍應過嚟睇， 佢話可以靠個爐煮熟喎。
到咗十點鐘鬆，個位高高瘦瘦好串態度好惡劣個侍應 (即係一開始話唔可以轉通菜嗰位) 埋嚟話要先埋單，當時我哋餐飯未食完！我表示用八達通結帳，佢就黑口黑面話用八達通要自己出去櫃檯埋單， 咁我就放低張八達通佢，請佢出去結完帳 (畀張卡佢自己拍)，返嚟畀返張八達通我， 點知佢企喺度旭都唔旭，啤住我哋！ 跟住隔離有位矮少少嘅侍應 (態度冇問題) 同佢講 '係囉，你拎客張卡去拍，拍完畀返個客咪得囉' ， 點知佢勁大力合埋嗰本結帳簿。
後來佢拎返張八達通畀我嗰陣時，我當時仲有同佢講唔該，點知佢大大力將我張八達通拍落張枱， 全程係冇望過我哋就走咗去，態度非常惡劣。就算我畀現金或者信用卡，個侍應咪一樣要行返櫃枱，之後拎返畀個客， 我當時又未食完飯，要我提早買單，咁我畀張八達通個侍應拍完，畀返我又有咩問題！？ 隔離個侍應態度就正常 ，佢都表示可以叫高高瘦瘦個位女侍應埋完張單，之後畀返張卡我就可以。 埋單嗰陣時，嗰位高高瘦瘦嘅侍應仲要喺我隔離問另一位待應收咗隔離枱嗰啲切餅費未！ 佢哋一行開，隔離枱嗰啲客都喺度講都唔知係咩服務， 未見過一間餐廳啲侍應係咁樣做嘢，咁嘅態度， 邊有人喺背後講嗰啲客，掃曬興。 佢哋都話一定無下次！ 隔離枱喺度慶祝生日， 你個位侍應真係掃興， 仲要喺我隔離講，以為自己講嘢好細聲， 點知其實隔離枱啲客都聽到！
老闆，請你自己睇下當時嘅閉路電視， 同埋問返另一位侍應當時埋單嘅情況 (我畀張八達通佢嗰陣時，另外一位侍應全程喺隔離睇到) ，元唔明點解你嗰位侍應啲服務可以咁惡劣， 由一座開始感覺已經好差，到結帳嗰陣時啲態度又係不知所謂！ 吾怪得星期日夜晚得四，五枱客，食物本身已經唔得，個侍應仲要咁嘅態度喺度趕客！ 之前食過兩次其實嗰個侍應的態度已經好差，已經忍咗佢好多次，點知今次仲離譜。
依間嘢真係永無下次，大家都唔使畀錢去受罪， 我當日去夜晚得五枱客，已經唔係多客，啲食物質素唔得，點知服務仲要咁差！
Post
