大姆指餐廳 (Closed)

話說尋晚同朋友行街行到好累，於是就向屯市求其搵間茶餐廳醫肚。我地兩個叫左個二人套餐，可以揀2個小菜，並奉送兩碗藜麥飯、中湯和一碟前菜。等左一陣之後，先黎一碟木耳鋪面芽菜擺底既前菜，木耳口感不過不失，不過芽菜略嫌太生。之後分別黎左一客京都菠羅炒豬扒以及魚香茄子魚柳煲。先講京都菠羅炒豬扒，其實碟餸OK，只係京都汁變左咕嚕汁（如果朋友唔講我真係唔知）。跟住就係魚香茄子魚柳煲，朋友食完之後，特意叫我試一試，睇下我有咩評價。我初頭諗魚香茄子煲咁大路應該OK啦，點知一食咸到入肉。我知魚香茄子魚柳煲本身會落咸魚，咸咸地，但果種咸似係落左勁多鹽既咸味，每食一次魚柳同茄子都咸到打哂冷震，真係好難接受。值得一提的是，原本的藜麥飯變左白飯。其實我個人食白飯係無問題。不過如果黎到既野同我係menu上面見到既野有出入，侍應過黎講聲會比較好囉。至少我會舒服D。不過咸檸七同中湯係幾好飲的。