CHI Tachinomi (屯門市廣場) (Closed)

話說小弟生日，約埋朋友一齊坐底食餐飯，屯門呢間chi行過幾次都未試過，又見到咁多好評，就1於試下係咪咁好先。6點半到左，無book位既情況下要攞飛等等，大約等左30分鐘就入得，入面坐位唔多，數埋無10張枱，但有張吧枱。坐底睇左陣餐牌每人都叫左個set，再另外加d炸物串燒咁，個set係1份前菜加飯，再加1串齋串燒同1串肉類串燒，上菜果陣由於個個都肚餓食左先，有d都事後先記得影相。頭盤簡左個磯煮飽魚，凍盤都保留到飽魚本身既鮮味，無特別調味，唔錯。串燒有d上到枱都食左，推介個豬腩片包提子，咸中帶甜好清新。呢份燒牛肉粒就略為失色，肉質鞋口有d食豬潤既感覺。燒香菇都好好食，多d醬汁就更好。跟飯選左鰻魚飯同牛肉飯，比較普通，如果汁水再多返dd就好。吉列炸蠔都正正常常炸竹夾魚同平時d炸魚柳差唔多，感覺燒會好食d。最後黎個燒菠蘿結尾，菠蘿夠甜燒得岩岩好，呢張相係食完先影既，得返塊皮。總結黎講整體尚算ok，款式如果再多d選擇會更好，當日去到有好幾款食物都話賣晒了，侍應既服務都唔錯，有2次漏左野無黎追1追都好快上到枱。