Video
Read full review
2012-07-21
716 views
之前想搵間据扒餐廳同朋友慶祝生日，有人介紹我去 Bella Vita，話果度嘅 T骨扒好正。上次無黎到，今次同老公黎撐枱腳，食燭光晚餐。頭盆叫咗 Grilled Octopus 炭燒八爪魚配青蘋果，同埋 Cod Fish Timble。個八爪魚充滿炭燒嘅獨特香味，外層微焦，燒得剛剛好，小小脆皮好香口，內裡軟腍腍成強烈對比，配青蘋果好開胃。Cod Fish Timble 用咗馬介休，師傅好細心地將魚肉拆到一絲絲，好似蟹肉咁，上面鋪咗幾片黑松露，畫龍點睛，魚肉好正，放咗一陣先食入面仲熱辣辣的。Pasta 叫咗佢地嘅招牌菜紅蝦扁麵，同埋好少餐廳做的墨汁薯糰配辣魷魚圈。紅蝦扁麵個 sauce 十分濃烈，好似龍蝦湯咁，真係食到 lam lam 脷。至於個墨汁薯糰，雖然個賣相黑炆炆，但係質地同味道一流，薯糰軟硬道適中，食得出係新鮮即做的。主菜係期待已久嘅T骨扒，話係二人份量，但係四個人都夠食，大過我塊面，個 shape 仲好似個心形添呀，情人節或紀念日黎食更啱 feel。外面有一坑坑的燒烤紋，師傅將扒切開一件件，再整整齊齊地排好，見到𥚃面微紅的肉，再加上撲埋黎嘅香味，未食齋睇都知掂呀。骨的左邊較小
頭盆叫咗 Grilled Octopus 炭燒八爪魚配青蘋果，同埋 Cod Fish Timble。個八爪魚充滿炭燒嘅獨特香味，外層微焦，燒得剛剛好，小小脆皮好香口，內裡軟腍腍成強烈對比，配青蘋果好開胃。Cod Fish Timble 用咗馬介休，師傅好細心地將魚肉拆到一絲絲，好似蟹肉咁，上面鋪咗幾片黑松露，畫龍點睛，魚肉好正，放咗一陣先食入面仲熱辣辣的。
Pasta 叫咗佢地嘅招牌菜紅蝦扁麵，同埋好少餐廳做的墨汁薯糰配辣魷魚圈。紅蝦扁麵個 sauce 十分濃烈，好似龍蝦湯咁，真係食到 lam lam 脷。至於個墨汁薯糰，雖然個賣相黑炆炆，但係質地同味道一流，薯糰軟硬道適中，食得出係新鮮即做的。
主菜係期待已久嘅T骨扒，話係二人份量，但係四個人都夠食，大過我塊面，個 shape 仲好似個心形添呀，情人節或紀念日黎食更啱 feel。外面有一坑坑的燒烤紋，師傅將扒切開一件件，再整整齊齊地排好，見到𥚃面微紅的肉，再加上撲埋黎嘅香味，未食齋睇都知掂呀。骨的左邊較小部分是 tenderloin，肉質軟腍，右邊較大的是 Striploin，肉味濃郁。從未食過咁正嘅T骨扒，旁邊的伴菜沙律都不能忽視，加咗士多啤梨同合桃，個汁好特別，好 refreshing，正好中和咗扒的 heavy 感覺，不過我地兩個人真係食唔晒，好浪費啊，下次一定要叫多幾個人黎分享。
我老公食完個扒已經投降，我則堅持我一貫的作風，飽死都要食甜品，去親意大利餐廳的指定動作，試下個 Tiramisu，賣相不錯，我個人偏好用碗上的 Tiramisu，應該無落魚膠，正合我胃口，最怕硬掘掘成磚的 Tiramisu，而且不會有太濃烈的酒味。
餐廳雖小，但裝修好有味道，好 home feel，我背後的壁畫好靚，令成個環境都好舒服，一定會再黎。
Post
