Video
Read full review
2022-08-16
2334 views
呢幾年都會暑假同家姐同細路去食個靚靚afternoon tea。今年喺網上買咗W hotel 75折嘅下午茶。W hotel應該係一間五星級酒店(?)，但佢嘅服務認真麻麻。我感覺我去咗一間普通餐廳食飯。3:00坐低，全場只有少於十枱客人，但食物大概3:35-3:40先送上。服務員感覺好似個個都無咩心機，唔係太想理你，仲有個喺度行兩步R幾下頭再行返轉頭，唔知做咩。飲品方面，除咗白桃茉莉梳打水，仲有茶/咖啡。但服務員唔會主動問你飲咩，由頭到尾連水都無杯。直至我地中後段問係咪有嘢飲，佢先問我地想飲咩，我問佢有咩飲，佢答我咖啡、奶茶、檸茶、檸水。小朋友問有無朱古力，佢先話有。咁似茶餐廳嘅？五星級酒店點解連個drink list都唔俾人？🔸「粉紅夏沫」下午茶套餐 (兩位用)配London Essence白桃茉莉梳打水 (原價💰618，75折後💰463.5，加一以原價計算）🔹鹹點 🔹
▫️龍蝦沙律奶油麵包配魚子醬
▫️蘇格蘭煙三文魚配黑麥多士、青檸忌廉芝士及三文魚籽
▫️加冕雞肉三文治配香桃芒果酸辣醬
▫️香桃餡餅配火腿脆
▫️小黃瓜及薄荷芝士配菠菜麵包卷 鹹點係ok嘅，不過佢啲包乾爭爭。如果濕潤啲會
呢幾年都會暑假同家姐同細路去食個靚靚afternoon tea。今年喺網上買咗W hotel 75折嘅下午茶。
W hotel應該係一間五星級酒店(?)，但佢嘅服務認真麻麻。我感覺我去咗一間普通餐廳食飯。
3:00坐低，全場只有少於十枱客人，但食物大概3:35-3:40先送上。服務員感覺好似個個都無咩心機，唔係太想理你，仲有個喺度行兩步R幾下頭再行返轉頭，唔知做咩。
飲品方面，除咗白桃茉莉梳打水，仲有茶/咖啡。但服務員唔會主動問你飲咩，由頭到尾連水都無杯。直至我地中後段問係咪有嘢飲，佢先問我地想飲咩，我問佢有咩飲，佢答我咖啡、奶茶、檸茶、檸水。小朋友問有無朱古力，佢先話有。咁似茶餐廳嘅？五星級酒店點解連個drink list都唔俾人？
🔸「粉紅夏沫」下午茶套餐 (兩位用)配London Essence白桃茉莉梳打水 (原價💰618，75折後💰463.5，加一以原價計算）
🔹鹹點 🔹 ▫️龍蝦沙律奶油麵包配魚子醬 ▫️蘇格蘭煙三文魚配黑麥多士、青檸忌廉芝士及三文魚籽 ▫️加冕雞肉三文治配香桃芒果酸辣醬 ▫️香桃餡餅配火腿脆 ▫️小黃瓜及薄荷芝士配菠菜麵包卷
鹹點係ok嘅，不過佢啲包乾爭爭。如果濕潤啲會好味啲。 🔹甜點 🔹 ▫️花生牛油朱古力條 ▫️百香果戚風蛋糕 ▫️西柚青檸果撻 ▫️香桃伯爵茶凍 ▫️白桃朱古力棒棒糖
除咗個伯爵茶凍嘅甜度係正常之外，其餘嘅都甜到嚇死人！連好鐘意食甜嘢嘅小朋友都話，「呢個甜到拿喉嚨」，甜嘅程度實在誇張🤢 🔹英式鬆餅 🔹 紅莓英式鬆餅及朱古力英式鬆餅 (每款各一) 配香橙番石榴果醬及奶油
鬆餅味道還可，但佢個質地好粉，碎到一粒粒。 🔹飲料 🔹 London Essence白桃茉莉梳打水 (兩支) 👌🏻
Overall評分: 5/10
總括而言，鹹點可以，但包太乾。甜點太甜，服務實在不合乎五星級酒店嘅水準。
btw佢張枱定唔知枱墊好似有陣up味
Post
