春宵

Open Now

Now Closed

與三位友人打算星期六晚喺灣仔打邊爐，但又唔太想食任食火鍋喎…. 喺OpenRice搵吓搵吓就見到依間打邊爐。佢有啲4人餐，啲餐嘅內容睇落都啱食，價錢又抵，而且又收得夜（因為依家好多餐廳都收好早），所以就決定食依間同埋都叫咗海鮮4人餐。首先講吓環境，整間餐廳唔算大，不過枱與枱之間都算闊落。大部分係4人卡位，都幾好坐。每張枱旁邊都有張小枱有幾層放嘢，都幾方便。一坐底就每人送咗杯自家製雪梨水，好味！（好似阿媽煲嗰啲！）後來我哋再叫咗自家製嘅酸梅湯同薏米水，都係好好味！湯底叫咗鴛鴦鍋，一邊係雜菌養生鍋，另一邊係椰子雞湯。椰子雞湯包括有半隻已經係浸熟咗，餐廳幫我哋斬開。雞肉因為係浸熟，所以雞肉十分嫩滑。4人餐包括嘅海鮮有蝦、鮑魚，小花甲，非常新鮮！另外本身4人套餐係贈送北海道帶子一份，但當晚就轉咗4隻蟶子。我完全冇點豉油，已經好鮮甜啊！丸方面食咗貢丸、牛丸、墨魚丸，非常彈牙同好味！再想讚嘅係位女經理，友善指數係100。又nice又醒又靚！