Video
Read full review
2021-12-11
841 views
放工諗唔到食乜，經過見到冇乜人唔洗等位就入去試下。一共叫咗兩個set，分別係皇牌原隻燒春雞& 8安士厚切豬扒拼辣味德國腸，另外再追加咗唐揚魷魚鬚同三文魚手卷。《皇牌原隻燒春雞》分量非常大，大到唔似春雞，直頭成隻芝麻雞咁嘅size！雖然size係大，但係一切落去個皮係淋嘅，似豉油雞多到，肉質亦頗嚡。不過配菜嘅薯角就好香脆，加返少少分。《8安士厚切豬扒拼辣味德國腸》分量亦好有睇頭，豬扒有成塊面咁大，條德國腸就有我2/3隻手臂咁長！豬扒嘅樣望落去就一般，白雪雪咁好似煎得唔夠香，但係食落去又幾有豬味，比較驚喜，辣味德國腸又真係好夠辣，對於鍾意食辣嘅我黎講都唔錯，至於唔食得辣嘅友人就表示辣到食唔到😂唐揚魷魚鬚好味推介！上枱熱辣辣夠香脆，醬汁方面亦唔係平時嘅沙律醬而係蜜糖芥茉醬，好惹味！三文魚手卷非常一般，平價連瑣店嘅質素，但係收四、五十蚊總結就係性價比一般，分量多但係味道一般
一共叫咗兩個set，分別係皇牌原隻燒春雞& 8安士厚切豬扒拼辣味德國腸，另外再追加咗唐揚魷魚鬚同三文魚手卷。
《皇牌原隻燒春雞》分量非常大，大到唔似春雞，直頭成隻芝麻雞咁嘅size！雖然size係大，但係一切落去個皮係淋嘅，似豉油雞多到，肉質亦頗嚡。不過配菜嘅薯角就好香脆，加返少少分。
《8安士厚切豬扒拼辣味德國腸》分量亦好有睇頭，豬扒有成塊面咁大，條德國腸就有我2/3隻手臂咁長！豬扒嘅樣望落去就一般，白雪雪咁好似煎得唔夠香，但係食落去又幾有豬味，比較驚喜，辣味德國腸又真係好夠辣，對於鍾意食辣嘅我黎講都唔錯，至於唔食得辣嘅友人就表示辣到食唔到😂
唐揚魷魚鬚
好味推介！上枱熱辣辣夠香脆，醬汁方面亦唔係平時嘅沙律醬而係蜜糖芥茉醬，好惹味！
三文魚手卷
非常一般，平價連瑣店嘅質素，但係收四、五十蚊
總結就係性價比一般，分量多但係味道一般
Post
