Video
Read full review
2019-08-21
202 views
坦白講，呢兩個月唔係特別有咩心情去搵好嘢食，連朋友都少約咗。謝謝呢一晚有個「出口」，品嚐美食之餘，亦和廚師有個交流機會，喜歡聽嘅係每一個人獨有嘅故事，或許你會更加了解每道菜背後嘅諗頭，或者更深入嘅話，係廚師嘅小小經歷。灣仔the Hennessy 3樓，一行入去已經望到廚師開始整理食物，望埋去左手邊中間兩排開放式枱椅。驚喜嘅係沿店嘅卡位有塊簾，似乎客人如果需要自己空間，絕對可以落簾。另外bar枱另一邊有間房，眼望可以容納十個人，3000最低消費。先上一小杯蘋果汁，清一清喉嚨。未幾第一道就上，呢款前菜好特別，牛油果他他，內有呑拿魚，用膳當日本來有小小飽，一食，有小小wasabi ，剌激一下，開哂胃。廚師發辦，顧名思義，由廚師決定你跟住所食，廚師將最好食材配上合適嘅處理方法，送上去你面前。呢道湯真係好吸睛，濃濃牛骨湯，平時就咁煮完倒入湯料中。但呢位廚師本身喜歡咖啡，諗到用手沖咖啡，湯冲上去經木魚乾落番黎，個湯濃得有點過份，唔止平時魚湯，再加上沖落松茸，好好飲，呢個配搭絕對係有驚喜。煙熏鴨胸同鵪鶉蛋，煙熏效果強，唔會話好咸，剛剛好，兩者配到。報紙雞，呢個唔係真係報紙，係用上質地好似報紙嘅，包
灣仔the Hennessy 3樓，一行入去已經望到廚師開始整理食物，望埋去左手邊中間兩排開放式枱椅。驚喜嘅係沿店嘅卡位有塊簾，似乎客人如果需要自己空間，絕對可以落簾。另外bar枱另一邊有間房，眼望可以容納十個人，3000最低消費。
先上一小杯蘋果汁，清一清喉嚨。未幾第一道就上，呢款前菜好特別，牛油果他他，內有呑拿魚，用膳當日本來有小小飽，一食，有小小wasabi ，剌激一下，開哂胃。
廚師發辦，顧名思義，由廚師決定你跟住所食，廚師將最好食材配上合適嘅處理方法，送上去你面前。
呢道湯真係好吸睛，濃濃牛骨湯，平時就咁煮完倒入湯料中。但呢位廚師本身喜歡咖啡，諗到用手沖咖啡，湯冲上去經木魚乾落番黎，個湯濃得有點過份，唔止平時魚湯，再加上沖落松茸，好好飲，呢個配搭絕對係有驚喜。
煙熏鴨胸同鵪鶉蛋，煙熏效果強，唔會話好咸，剛剛好，兩者配到。
報紙雞，呢個唔係真係報紙，係用上質地好似報紙嘅，包住雞件，幾特別。
吉列炸和牛，麵粉非常薄，只是剛剛好做出脆口咬感，真係多少少就會曬左件牛，肉係入口牛味充滿，加小小洋蔥同醬一齊食，唔會好膩，提升左個味。
牡丹蝦配上豆紙，係豆腐做嘅紙質感嘅壽司。小小啖先食牡丹蝦，點佢旁邊嘅汁，蝦味再出啲。以為好淡，點知成件壽司好豐富。
每種配搭總有佢嘅原意，有時唔係下下夾最高級嘅材料先係好食，都要兩者合到先得。三文魚腩加菜，剛剛好。
呢道我個人都真心佩服，食物鏈都出埋，本身食材本身係食啲咩，就配番成件事，個心絲細到嚇親！蟹食蝦，飯用龍蝦煮，蟹籽蟹膏的確係夾。
猜猜係咩黎？低溫鵝肝，一樣入口即溶，但卻無油膩感，感覺無咁肥，亦都接近原味（食完廚師話卡路里其實一樣，你無睇錯，係一樣，呢位廚師仲係減肥高手，想知點減，上去食個陣問佢）。底下嘅係用壽司飯整嘅鍋巴，好脆口，仲好過西多，成件仍然係一件壽司。
忘記介紹，中間飲左杯波蘿沙冰，去一去口腔味道。（諗起去台灣食無老鍋都係咁）
黎到甜品部分，上面係有機蜜瓜，好夠味，完全無淡嘅感覺。底下嘅係用餘下嘅魚鱗整，成件事好match。完結時，有一杯冰凍嘅巨鋒梳打（用紅酒杯上，因爲顏色似紅酒），好圓滿。
我本身就係喜歡聽別人故事，唔單止食物滿足到我，連故事也是。寫食評可以唔單單係食物，廚師同樣重要，謝謝廚師敢言、敢愛、敢行。
日本人係好有原則，香港人創意，廚師自己嘅經歷同個性都反映係啲菜式入面。「爸爸！」，本來認真料理中的廚師，女兒嚟到，馬上甜笑到唔見眼。
店名Uo n，「Uo」係日文裡解作鮮，「n」係廚師太太英文名首個英文字母，好有意思，淨係呢點，相信太太同樣感受到愛。
剛開業3個月，灣仔發生嘅事特別多，但廚師並無怨言，默默繼續努力做好每道菜式。嚟到呢度，可能你話我會唔會講太多，好似食物少講。識我嘅人都知道我係幾鍾意聽人嘅故事，你先至了解每道本身嘅意思，尤其係廚師發辦，所以要寫底同開心些牙。
Post
