Video
Read full review
2015-09-16
1395 views
今日黎到呢間新開嘅café ，感覺真係非常之咁特別，因為café嘅主題係以車站為題材，牆身上果個巨型黑色餐牌，係仿照車站班次的顯示板整成，同餐廳嘅主題非常咁配合。另一方面牆上仲有幅用金屬整成嘅港鐵車站圖表，由於可以睇出呢度嘅對café嘅設計係幾咁花思架呢。。。跟住我走近 counter望下，玻璃櫥櫃入面嘅三文治和糕餅，賣相款款都好似好吸引，特別係啲三文治，最衰唔係LUNCH HOUR黎，如果唔係，用黎做LUNCH就岩晒我；除左三文治外，其他蛋糕件件都好似整得好好食咁，真係好想咩都食。睇完周圍嘅環境之後就諗住同朋友叫杯野喝先，，我一開始都心大心細，最後都係決定按自己嘅習慣，叫左杯 Cappuccino。不過店員真係拉花拉得幾靚下，而且Cappuccino喝落下咖啡味道都幾濃，咖啡香亦算突出，令人一試愛上。我同朋友放工黎到都無野落過肚，所以就決定叫左幾個牛角包同一件鹹味的蛋批 Ham and Cheese Quiche，食完再食 Cake。呢件蛋批外表帶金黃，用左火腿同埋芝士做餡，餅皮好鬆化，而且邊位都整到好香脆，入口充滿蛋香，惹味得黎又有咬口，真係唔錯架。食完個蛋批，我地就叫左幾件蛋糕諗
今日黎到呢間新開嘅café ，感覺真係非常之咁特別，因為café嘅主題係以車站為題材，牆身上果個巨型黑色餐牌，係仿照車站班次的顯示板整成，同餐廳嘅主題非常咁配合。
另一方面牆上仲有幅用金屬整成嘅港鐵車站圖表，由於可以睇出呢度嘅對café嘅設計係幾咁花思架呢。。。
跟住我走近 counter望下，玻璃櫥櫃入面嘅三文治和糕餅，賣相款款都好似好吸引，特別係啲三文治，最衰唔係LUNCH HOUR黎，如果唔係，用黎做LUNCH就岩晒我；除左三文治外，其他蛋糕件件都好似整得好好食咁，真係好想咩都食。睇完周圍嘅環境之後就諗住同朋友叫杯野喝先，，
我一開始都心大心細，最後都係決定按自己嘅習慣，叫左杯 Cappuccino。不過店員真係拉花拉得幾靚下，而且Cappuccino喝落下咖啡味道都幾濃，咖啡香亦算突出，令人一試愛上。我同朋友放工黎到都無野落過肚，
所以就決定叫左幾個牛角包同一件鹹味的蛋批 Ham and Cheese Quiche，食完再食 Cake。
呢件蛋批外表帶金黃，用左火腿同埋芝士做餡，餅皮好鬆化，而且邊位都整到好香脆，入口充滿蛋香，惹味得黎又有咬口，真係唔錯架。
食完個蛋批，我地就叫左幾件蛋糕諗住咩都試下咁。。。Lemon Cake(檸檬蛋糕)，食落鬆軟，質感輕盈而且入口滿是檸檬的味道，味道酸酸甜甜咁。Hazelnut and milk chocolate cake朱古力味道非常濃郁，加上蛋糕入面放咗唔少榛子果仁，食落有咬口之餘又甜美不膩，放在嘴裏品嘗，味道著實討人喜愛，另一方面呢度嘅糕餅全部都係黎自 Paul Lafayet 嘅餅房，所以味道上絕對係有保證嘅，所以大家都不妨黎呢度感受佢嘅魅力喇。。。
Post
