黃金冰室 (成業街)

Open Now

Now Closed

放假當然要食個靚早餐，今日就去咗觀塘嘅黃金冰室，之前有食過深水埗分店，感覺性價比好高！觀塘分店超級大，門口位置仲有bakery賣包位，售賣多款自家製麵包，其中紫薯奶皇包同乾蔥XO醬叉燒包超吸引，下次返工經過一定要嚟試下！除咗位置寬敞，每個卡位竟然有兩個叉電位，好貼心！｛羅宋湯餐肉粒通粉 $36｝早餐供應時間係七點到十一點半，配 西煎雙蛋、特色餐包，餐包外面烘到香脆，入面係芝士同火腿粒，幾特別！羅宋湯比較甜，湯料豐富，加埋餐肉粒感覺好滿足！飲品都幾大杯，味道正常發揮，凍鴦啡味唔算太突出。如果係揀早餐A至C仲可以揀火腿奄列、黑松露或鹹牛肉炒滑蛋，個人幾推薦鹹牛肉炒蛋，鹹香滑溜。Ü