Video
Read full review
2018-10-01
264 views
好耐都無去食鐵板燒啦,果日口痕好想食,就約左朋友仔星期六下午去食過悠閒鐵板大餐! 今次去都係去CWB,因為上次食過鍋處雪舟之後,店員話同一棟有佢地另一間店 - 鐵板燒雪舟,係食鐵板燒既,都一樣咁正,叫我地有機會試下! 所以就同朋友仔去試下!一去到見到好得意既熊本熊!好cute啊,主打介紹熊本野食! 唔知今次有咩正野食呢? 果日去到好在有book位,坐左係bar台,個feel好正,如果唔係下午既話,我一定叫sake飲! 不過今次食lunch就算啦! 我就叫左個set lunch, $300幾好抵食!Set lunch - 一開始當然有醒胃沙律+小食啦! 粟米沙律好夠凍,好fresh! 不過最特別都係個小缽,漬物類既紅蘿蔔,牛膀, 酸酸地,好好味呢!食完冷盤,當然食返d熱野啦, 茶碗蒸就啱晒啦! 食鐵板燒既茶碗蒸最特別既係你面前即蒸即食,所以d蛋好滑,除左有冬菇外,仲有洋蔥同紅蘿蔔! 雖然簡簡單單,但係食到蛋既鮮味!Yeah...食完茶碗蒸,終於都到我最期待既鐵板燒! 每次見到廚師係鐵板上煮野,真係一種享受! 一邊炒一邊聞到野食既香味,真係好正! 鐵板燒帶子+大蝦,好好好香啊! 配左意大利
一去到見到好得意既熊本熊!好cute啊,主打介紹熊本野食! 唔知今次有咩正野食呢?
果日去到好在有book位,坐左係bar台,個feel好正,如果唔係下午既話,我一定叫sake飲! 不過今次食lunch就算啦! 我就叫左個set lunch, $300幾好抵食!
Set lunch - 一開始當然有醒胃沙律+小食啦! 粟米沙律好夠凍,好fresh! 不過最特別都係個小缽,漬物類既紅蘿蔔,牛膀, 酸酸地,好好味呢!
食完冷盤,當然食返d熱野啦, 茶碗蒸就啱晒啦! 食鐵板燒既茶碗蒸最特別既係你面前即蒸即食,所以d蛋好滑,除左有冬菇外,仲有洋蔥同紅蘿蔔! 雖然簡簡單單,但係食到蛋既鮮味!
茶碗蒸
7 views
0 likes
0 comments
Yeah...食完茶碗蒸,終於都到我最期待既鐵板燒! 每次見到廚師係鐵板上煮野,真係一種享受! 一邊炒一邊聞到野食既香味,真係好正!
鐵板燒帶子+大蝦,好好好香啊! 配左意大利黑醋,令到海鮮既味特別香濃!帶子外表煎得好香脆,肉質好嫩!
帶子+煎大蝦
3 views
0 likes
0 comments
大蝦個尾燒得幾正!夾起尾黎食,好豪爽啊!
主食II - 就係鐵板和牛柳! 哇,真係未燒見到都流晒口水! 和牛柳紋路好靚, 雪花紋好均勻,而且望落好嫩,應該好淋!
鐵板燒出來既牛柳真係好香,和牛係唔同d既,配上特調既燒汁好香濃! 今次既和牛燒我點左70%熟,面煎得好香, 裡面仲有d血,好juicy, 好好味啊!
鐵板燒和牛柳
7 views
0 likes
0 comments
主菜話咁快就食完啦, 點都要食d菜既! 鐵板燒set必定有既燒野菜,廚師燒得都好香口,幾好食,蒜心好嫩好好食!
炒野菜
11 views
0 likes
0 comments
食完咁多樣野,點都要食返個飯既!招牌鐵板炒飯點可以少呢? 不過呢度既係非一般炒飯! 見到廚師將其中一d飯壓成平面,好奇特,究竟佢係度做緊d咩? 原來係整米紙,真係估你唔到,米紙脆到索索聲,好香口! 好特別啊, 廚房真係玩鐵板玩到出神入化，勁!
鐵板炒飯+紙米餅
16 views
0 likes
0 comments
食飽飽,最後飲返碗麵豉湯，成個人暖晒,好舒服啊! 整體黎講,$300幾既鐵板燒set lunch食到咁多野,真係唔錯! yummy!
Post
