隨嚐 (Closed)

兩日前經open rice app訂位，今晚用膳前open rice都提示我今晚要應約！！點知今晚，已經知道呢間餐廳唔就腳，所以特登相約朋友行路過黎呢間餐廳（又行斜路，又行樓梯），去到見門口貼住今晚係某人的party包場？！我今日都無收過呢間餐廳打電話黎叫我今晚唔好黎，因為有人包場，反而係我企係餐廳門口打返電話入去，問：「你地今晚係咪唔做生意架？我用open rice app訂左位今晚食飯喎⋯⋯」店主/職員竟然只懂得答：「係呀，唔好意思呀，今晚有人包場呀⋯⋯唔好意思呀，我無check到openrice今晚有個booking」我當堂真係嬲到冇嘢講，令我覺得點解可以咁㗎，竟然可以有餐廳係一d都唔上心去跟進每一位將要蒞臨光顧既客人，竟然可以要客人白行一趟而不懂得如何處理我們今晚遇到的這個壞情況，店員連想走出餐廳出黎親自跟我們道歉的心也沒有，只懂得站在原有位置揸住電話筒發呆/俾個唔知點好既尷尬樣俾我地睇⋯⋯呢間餐廳真係「不得了」！！！