Primavera (Closed)

西環尾嘅餐廳越開越多，尤其是係一啲高級精品店嘅餐廳，今日同老公再次嚟到西環食好野，揀咗呢一間西班牙菜。本身以為要＄400一個人，最後買單兩個人都係講緊＄400兩個，計落真係幾抵食。點了烤麵包炒雜菇脆火腿法國麥包烘過之後配上炒雜菇同埋烘乾左嘅香脆火腿，火腿香脆，炒雜菇好香，煙煙韌韌嘅法包，三樣嘢嘅配搭好好沙律點左吞拿魚白豆沙律，半熟嘅吞拿魚外皮有少少鹹，裏面呢就好鮮，配合清新嘅白豆，法邊豆同其他雜菜，好健康。主菜點左西班牙海鮮飯，份量好大，仲有新鮮海蝦，大隻嘅開邊大蝦，鮮魚，魷魚，青口等等，飯嘅質感好好，唔會太乾太硬，又唔會好淋，每種海鮮都好新鮮，記得加少少檸檬汁提升味道。本身好想食個甜品但係真係太飽啦，下次仲想食炸魷魚，同西班牙蛋餅。今次太飽，再接再厲。連老公都話估唔到食到咁飽咁好食都係一人200左右。