Y Show Tasty (Closed)

近日尖沙咀行完街搵野食，知道H8呢度好多餐廳，就去樓下水牌望下🤔 見到呢間Cafe style嘅西餐廳，個名咁得意😎就去試下係咪真係咁tasty😆 上到去餐廳唔算好大，大概10零張枱，側邊有個bar位，同朋友黎飲下野都幾適合👯‍♀️美式單骨雞翼🍗($98) - 餐廳除咗普通menu仲有個Chef’s Choice，無乜頭緒嘅我地就喺嗰度揀個小食。雞翼係脆炸嘅，調味好足夠類似有少少cajun味，上面再淋上蛋黃醬，好邪惡😎黑松露忌廉意大利飯🍛($148) - 呢味黑松露同菇箘類愛好者實啱😄 入面好足料，香濃嘅黑松露味再加上好多款唔同嘅菇菇🍄菇嘅比例仲多過飯咁滯🤣啖啖都好有咬口。經典美式煎封西冷扒配薯菜🥩($298) - 食肉獸又据扒啦😄 我地叫左Medium，面頭微燶有少少焦香味，肉質生熟度煮得啱啱好，切開有肉汁流出。牛扒會有少少筋位，肉味幾濃。牛扒面頭有海鹽黑椒調味，唔洗點sauce都夠味。濃味人士可以夾埋原粒烤蒜或者點芥末一齊食，享受唔同口味。