Video
Read full review
2015-02-15
1190 views
好唔好彩喺網上搵到呢間出名咖喱好食嘅食店, 又因為想食完飯去食碧街嘅冷糕,but撞鬼, 冇開!........xd 兩點幾, 好彩仲有位......就叫個最出名嘅咖喱牛坑腩啦, 少辣. 雖然我d牙唔係咁有力. 飯嚟到, 忍唔住食啖咖喱先, 感覺冇乜嘢, 我就係嫌佢唔夠多渣囉! 洋葱好貴咩? 佢一定比唔上阿龍, 更比唔上生龍, 更加比唔上賣飛佛鵝頸橋街市惠記(可惜我而家好少過海)! ......冇計, 唔通嗌咗唔食咩? 但問心又唔算好難食,只不過係冇滿足感囉, 有名過於實嘅feeling囉(其實好多不知名嘅茶餐茶廳都好過佢). 一直食落去, 就開始覺得唔係好妥, 陣味愈食愈濃, 濃到喉頭唔係好舒服, 逼不得已啜多幾啖凍檸茶(好彩我醒目, 嗌定先), 牛腩算幾稔, 我牙仔軟都咬得爛, 少辣=一d都唔辣囉, 大㕑似乎太睇小我條脷喇. 條脷唔係好過癮, 卒之都係叫個奶油豬冚住果陣令我好唔likey嘅味~~~唔會有下次, 喺九龍我情願去深水埗生龍囉.......惠記點解唔喺九龍開分店呀?
Post