Video
Read full review
2017-09-18
429 views
去到Yoho想食少少嘢同甜品先行街，咁以為Holly Brown就可以滿足到食嘢加雪糕嘅要求，唔洗走嚟走去。咁結果係滿足到嘅，仲免費送一肚氣做前菜！一入到去就有位其實應該知道中伏，不過係尖沙咀有食過所以諗住冇事。首先咁大間嘢得一個高大哥仔，我明白間嘢係自助式餐廳，但一個人要落單要煮，食熟食仲要傳餐，一個人😰。喺冇人排隊嘅情況下，等咗3分鐘先可以落單，知道佢一個人辛苦，所以乖乖坐係到等、等、再等。終於有個伯伯送上2杯嘢飲，原來頭先見到有個紙板人係真人嚟㗎！問清楚係乜，答案:總之無錯，2杯都係你哋，冇其他人叫2杯熱飲！😓之後雪榚到，叫Mixed Berries幅圖係紅色，送上嚟嘅係藍色，今次應該錯喇掛？！我見高大高高一頭煙，就問紙板伯伯，拎杯嘢行埋去未開口問就有答案: 我乜都唔知，係廚房做嘅，我抹台㗎咋！Ok，唔該哂！其實同行有個3歲小朋友，你未拎雪糕嚟都仲可以按耐住佢，但嚟咗又拎走，佢會發癲，只希望可以快啲補返一杯啱嘅俾我？15分鐘後高大哥哥俾杯啱嘅紙板伯伯，見到隻手係指去我呢邊，結果俾咗杯嘢前面，好在人哋唔係食Mixed Berries最後我自己去搶返杯嘢返嚟。食2啖發現少咗下面個餅，
咁結果係滿足到嘅，仲免費送一肚氣做前菜！一入到去就有位其實應該知道中伏，不過係尖沙咀有食過所以諗住冇事。
首先咁大間嘢得一個高大哥仔，我明白間嘢係自助式餐廳，但一個人要落單要煮，食熟食仲要傳餐，一個人😰。喺冇人排隊嘅情況下，等咗3分鐘先可以落單，知道佢一個人辛苦，所以乖乖坐係到等、等、再等。
終於有個伯伯送上2杯嘢飲，原來頭先見到有個紙板人係真人嚟㗎！問清楚係乜，答案:總之無錯，2杯都係你哋，冇其他人叫2杯熱飲！😓
之後雪榚到，叫Mixed Berries幅圖係紅色，送上嚟嘅係藍色，今次應該錯喇掛？！我見高大高高一頭煙，就問紙板伯伯，拎杯嘢行埋去未開口問就有答案: 我乜都唔知，係廚房做嘅，我抹台㗎咋！Ok，唔該哂！其實同行有個3歲小朋友，你未拎雪糕嚟都仲可以按耐住佢，但嚟咗又拎走，佢會發癲，只希望可以快啲補返一杯啱嘅俾我？15分鐘後高大哥哥俾杯啱嘅紙板伯伯，見到隻手係指去我呢邊，結果俾咗杯嘢前面，好在人哋唔係食Mixed Berries最後我自己去搶返杯嘢返嚟。食2啖發現少咗下面個餅，小朋友最愛，而見到多咗2個人返工，所以大膽上前問佢攞返。我先叫一聲唔該，人地頭都冇轉，完全專注自己眼前工作，Ok，你做嘢我等。好喇，做完，轉頭見到我，行埋嚟，我就解釋話想要返個下面個餅，人哋一句聲都冇出，黑一黑面，轉身去拎俾我，繼續一句聲都唔出，等我拎咗就9秒9跑去唔知做乜！對唔住，我錯囉，幾十跑蚊食杯雪糕唔應該要求你俾啱嘢我，唔應該要求你俾返下面個餅我嘅！
食個早餐，一隻熱狗，一杯雪糕，2杯咖啡，太多小插曲，好唔好味已經食唔出味！自助式餐廳嘛，你叫我自己入去煮嘛！！
Post