昌記(星洲)海南雞飯 (Closed)

好多時收工後或休息日,因趕唔切返娘家食晚飯,我都會呢度買外賣返屋企食,原因堂食環境真係麻麻,唔係話佢唔乾淨,只係現場太窄唔好坐。我多數要例湯及海南雞飯,次次都係打定電話去叫定,五至十分鐘之後自己去拎,皆因買得果一盒飯,而且見佢現場人手都唔多夠,所以我都唔想打擾自己去拎。次次佢臨收鋪叫外賣,叫襯普通海南雞飯,佢好多時都會俾脾位我食。如果脾位計價錢貴好多,可能見收鋪又加埋我自己拎,所以好多時都額外送雞脾我食,真係多謝哂喇...嘻嘻!HK$30元一大盒【海南雞飯+例湯/冷飲/熱飲】,例湯唔錯火喉都ok,味精唔多覺落太多。油飯加埋【酸辣醬汁】好醒胃,如果冇呢個醬汁,我相信味道會差一半都唔止。之前飲過佢凍奶茶,又濃奶味又滑又香...掂!見佢鋪面標明晚上十點先收工,但好多時九點多已收鋪,證明佢生意確係唔錯。但我因好多時收工較夜關係,返到元朗佢都已經收鋪,想成日幫襯都唔得。