佳記甜品

Open Now

Now Closed

三月八日做完正經野，順便逛下元朗兼食糖水。約下午五時到，超過95%滿、好旺。味道、抵食度:叫左碗凍的綠豆沙加湯丸(黑芝麻餡)$19。湯丸有四粒，比石磨坊多一粒；湯丸唔黏牙兼甜度適中，但每粒的餡很少，比石磨坊的少一半以上。綠豆沙尚可，質感良好，比發記好食好多，但同大良八記比又差少少。睇過menu，食品價格便宜。服務：唔敢講d staff係咪外傭/黑工(但有此想法)，但她們講的廣東話著實使我聽得吃力；無笑容，但快手快腳。環境、乾淨度：欠佳。屈屈質質。地下有若干污漬，少少垃圾。佢d檯椅多年來均擺到好出，令我疑惑元朗食環署是否地方性欠缺人手。唔會專程再黎食甜品，有機會至多試下腸粉。