倫哥火鍋私房菜 (Closed)

最頭痛係朋友生日要諗食咩，突然醒起倫哥聽聞食評唔錯都想試好耐啦。雖然係平日，都坐滿人喎，好彩有book位啫🤭，坐低無耐食物就輪住上枱，雞煲，刺身，花膠，聖子皇，正呀！雞煲唔使講啦，濃味唔會輸，仲要係自己炒，過火都唔關佢事🤣🤣。食住雞煲嘆刺身，刺身都算唔錯，蝦刺身都幾鮮甜，跟住就係粉絲蒸聖子皇同埋花膠，其實食到呢刻都有d飽，但係眼前果盤海鮮拼盤又唔可以錯過喎，所以我地決定轉打火鍋，我地用左最原始的皮蛋芫西湯底，都好足料，d皮蛋食極都有😂😂，可能佢晚晚都多客，所以海鮮都算新鮮，仲有佢盤牛頸脊真係好味，可惜唔係任食，飲品方面佢都好多選擇，個cream soda仲好似好飲過出面果d,夠汽得黎又冇咁甜喎，基本上我地食哂佢第一輪送黎d野都已經飽哂，😮連甜品都唔記得食添，下次一定要補返🤭