Video
Read full review
2023-06-04
2504 views
朋友推介元朗任飲生啤好地方，「鋒哥廚房」主打火鍋任飲任食，橙色門面搶眼，設有室外座位。工業風裝修，配搭彩色鐵櫈，牆上霓虹燈牌，環境整潔，座位舒適。我哋五點入座，任飲任食兩個鐘 ，$288/1位，再加一，食足三個部份好抵食。⓵ 麻辣雞煲首先食雞煲，係無限任食，雞件靚嘅部位都有齊：雞胸、雞髀、雞翼，唔會淨係俾啲下欄位。配料有芫荽、唐芹、辣椒、洋蔥、蓮藕，店員教我哋要炒四分鐘先食得，熱辣辣，味道比預期出色。我哋叫咗BB辣，麻辣味香濃，唔會辣到食唔到，雞肉入味，肉質又滑又彈，太惹味所以都食咗好多。⓶ 椰子雞煲第二部份可選擇椰子雞煲或者麻辣烤魚，都係一次性。我哋選擇咗食椰子雞煲，兩位會有半隻雞另上，椰子水加乾椰子片、紅棗同杞子，湯滾就落雞熬一熬，頭啖湯超清甜，雞肉超嫩滑，蘸沙薑青檸醬油食一流，一路煲住一路食，去到尾啲雞件都仲好滑。⓷ 火鍋食到咁上下就可以進入第三部份，轉湯底打邊爐，有五款湯底可以選擇：番茄薯仔、皮蛋芫荽、黑蒜豬骨、飄香沙嗲、四川麻辣。我哋就保留椰子雞煲加湯繼續打邊爐，椰子湯底淥海鮮真係無得頂，味道更鮮甜。除咗肉類，所有火鍋配料都係自助形式。► 海鮮海鮮款式多，全部都係任食，部分仲
麻辣雞煲
55 views
0 likes
0 comments
⓵ 麻辣雞煲
首先食雞煲，係無限任食，雞件靚嘅部位都有齊：雞胸、雞髀、雞翼，唔會淨係俾啲下欄位。配料有芫荽、唐芹、辣椒、洋蔥、蓮藕，店員教我哋要炒四分鐘先食得，熱辣辣，味道比預期出色。我哋叫咗BB辣，麻辣味香濃，唔會辣到食唔到，雞肉入味，肉質又滑又彈，太惹味所以都食咗好多。
椰子雞煲
41 views
0 likes
0 comments
⓶ 椰子雞煲第二部份可選擇椰子雞煲或者麻辣烤魚，都係一次性。我哋選擇咗食椰子雞煲，兩位會有半隻雞另上，椰子水加乾椰子片、紅棗同杞子，湯滾就落雞熬一熬，頭啖湯超清甜，雞肉超嫩滑，蘸沙薑青檸醬油食一流，一路煲住一路食，去到尾啲雞件都仲好滑。
⓷ 火鍋食到咁上下就可以進入第三部份，轉湯底打邊爐，有五款湯底可以選擇：番茄薯仔、皮蛋芫荽、黑蒜豬骨、飄香沙嗲、四川麻辣。我哋就保留椰子雞煲加湯繼續打邊爐，椰子湯底淥海鮮真係無得頂，味道更鮮甜。除咗肉類，所有火鍋配料都係自助形式。
蟶子皇、肉蟹、鮑魚、貴妃蚌
64 views
0 likes
0 comments
► 海鮮
海鮮款式多，全部都係任食，部分仲要係偏貴價高質素嗰啲，淨係貴妃蚌、鮑魚同蟶子皇都係無間斷供應，呢點都已經好吸引，係我主攻嘅區域。
⊛蟶子皇~ 夠大隻，處理得好乾淨，鮮甜，厚肉彈牙，我食咗好多隻，街市買蟶子皇都唔平，必食推介。
⊛鮑魚~好新鮮大隻，肉質彈牙。
⊛貴妃蚌~自己唔鍾意淥太耐，一開口就食，超鮮甜，仲有泡鹹鹹嘅海水味，食咗好多隻。
⊛肉蟹~ 爽滑多肉，最鍾意食蟹鉗，已敲碎處理，食得好方便。
⊛蜆~一籃籃裝住，有沙白、白蜆，鮮甜。
⊛魚~有鯇魚、魚雲、九肚魚嫩滑。
⊛蝦~基圍蝦，新鮮都唔細隻。
⊛東風螺~肉質爽脆，點蒜蓉辣椒醬油食最正。
安格斯牛頸脊、無激素黑毛豬肉片
48 views
1 likes
0 comments
► 肉類
兩款肉類都有質素，要向店員落order，即叫即到，上枱快，無限追加。
⊛安格斯牛頸脊~ 比較厚切，適量油花分布均勻，唔好淥太耐，爽滑有口感，牛味濃郁，牛頸脊都可以任食，encore之選。
⊛無激素黑毛豬肉片~任食難得有無激素豬肉片，肥瘦適中，肉質柔軟唔榎。
► 火鍋配料、醬料
⊛炸物~響鈴、炸魚皮、生根，打邊爐點可以唔食呢三寶，脆口又索湯。
⊛配料~枝竹、柏葉、水魷，芋絲、多款丸類。
⊛蔬菜~唐生菜、娃娃菜、西洋菜、皇帝菜、金菇、冬菇、萵筍，鮮淮山。
⊛麵~韓國即食麵、日式烏冬。
⊛醬料~ 生蒜、炸蒜、辣椒、蔥⋯⋯供客人自助混醬。
► 生啤、飲品
可能真係最多生啤任飲嘅餐廳，室外設有一個自助生啤區，就咁望都有九個生啤頭：Hoegaarden、1664、Suntory、Murphys⋯⋯全部任飲，啱晒鍾意豪飲嘅朋友。餐廳仲細心雪凍唔同牌子嘅啤酒杯備用，雪櫃仲有樽裝啤酒，放滿唔同汽水同茶類。
►甜品
雪糕、甜筒全部任食，仲有Movenpick。
呢個價位嘅任飲任食，食物質素高，服務有禮貌，補給同清碟快，性價比高，食得好飽大滿足。
#鋒哥廚房地址：元朗馬田路80號御庭居地下5號舖
Post
