Video
Read full review
2019-05-26
895 views
最終於完結咗學業上嘅一啲小嘅波折，亦都好慶幸係工作上亦都有一啲新嘅突破，今日自己就過嚟呢度食飯，其實都係因為咁照行開經過，絕對冇任何好大嘅期望， 結果我都覺得幾有驚喜，就係我覺得價錢，性價比絕對係值得入手。一個人食飯呢 ，有個特別嘅地方就係，我真係好口渴，所以我最後都係忍唔住飲咗兩杯嘢飲，我知道我自己咁樣做係好低能，因為好肥。不過坦白講吖，如果去香港地出去食飯，一個人去大家樂食都要六七十蚊啦，我點解唔畀自己食得好啲呢。我呢好鍾意食青口，無論係白酒煮青口或者係青口嘅菜式，我都好鍾意，所以今次叫一個避風塘焗青口，係有一定嘅期望你。乾蒜蓉 味道都係啱啱好 佢唔會太乾，所以佢唔會食到有苦味 避風塘嘅蒜蓉呢的確係可以吊出青口鮮味，焗完之後唔會好乾，係濕潤嘅，所以呢一個焗青口的確係有驚喜。我去好多泰國嘅餐廳，我都好鍾意食呢個椰青炒飯，因為椰青水炒飯呢係會有一種清澈嘅味道，呢一個椰青炒飯一如以往我都覺得唔算太過失望中，因為佢嘅炒飯濕度都可以接受嘅，不過如果你要我畀多少少意見，我覺得可以乾身返少少啦，雖然佢而家呢個程度，我覺得都係可以接受，同埋有好多唔同嘅海鮮，有大量嘅魷魚啦，價錢都係喜出望外。咁最後
最終於完結咗學業上嘅一啲小嘅波折，亦都好慶幸係工作上亦都有一啲新嘅突破，今日自己就過嚟呢度食飯，其實都係因為咁照行開經過，絕對冇任何好大嘅期望， 結果我都覺得幾有驚喜，就係我覺得價錢，性價比絕對係值得入手。
一個人食飯呢 ，有個特別嘅地方就係，我真係好口渴，所以我最後都係忍唔住飲咗兩杯嘢飲，我知道我自己咁樣做係好低能，因為好肥。
不過坦白講吖，如果去香港地出去食飯，一個人去大家樂食都要六七十蚊啦，我點解唔畀自己食得好啲呢。
我呢好鍾意食青口，無論係白酒煮青口或者係青口嘅菜式，我都好鍾意，所以今次叫一個避風塘焗青口，係有一定嘅期望你。乾蒜蓉 味道都係啱啱好 佢唔會太乾，所以佢唔會食到有苦味 避風塘嘅蒜蓉呢的確係可以吊出青口鮮味，焗完之後唔會好乾，係濕潤嘅，所以呢一個焗青口的確係有驚喜。
我去好多泰國嘅餐廳，我都好鍾意食呢個椰青炒飯，因為椰青水炒飯呢係會有一種清澈嘅味道，呢一個椰青炒飯一如以往我都覺得唔算太過失望中，因為佢嘅炒飯濕度都可以接受嘅，不過如果你要我畀多少少意見，我覺得可以乾身返少少啦，雖然佢而家呢個程度，我覺得都係可以接受，同埋有好多唔同嘅海鮮，有大量嘅魷魚啦，價錢都係喜出望外。
咁最後講下我自己最鍾意食嘅咖哩農夫包同埋軟殼蟹啦，我覺得抵食，軟殼蟹炸完之後都仲係濕潤嘅，香口得來唔會太熱氣，而且軟殼蟹都係好新鮮嘅，好多鋪頭都有呢個咖哩農夫包食 ，但係呢度大小合適，我覺得最令我印象深刻就係佢真係可以將成個包焗到好脆，絕對唔會因為有咖哩汁就浸到個麵包好濕，係真係成個麵包切落去，係脆卜卜㗎，好厲害了我的國的朋友。
元朗呢個地方其實都充滿住我哋好多回憶，我都會諗返起以前，同你過嚟食嘢，以前真係好任性，自己想去邊就去邊，想食咩就食咩。
有時都會諗番，那個時候，也許是平行時空。
為何你會這樣竉我。
也覺得這份純真簡單的關係，得來不易。
有人話過我，性格清透，眼神澈明，實在不敢對我起一絲歹念。
嗯，有時候會幻想，當時如果，雙方都堅持一點，但， 許我們的結局也不會一樣。
望著更好的地方。
那動人時光，不用常回看。
，
Post
