甜心良品 (Closed)

第二次光顧葡式焦糖燉旦~ 店員話新出甜品, 只有凍食. 試左, 冇咩特別.雪山Ma Ma ~ 兩次都覺得好好味. 雪山Ma Ma裡面有心太軟同雪糕, 食時一刀切落去, 咁心太軟d朱古力槳就會流出黎, 撈埋雪糕一齊食, 又熱又凍好過癮. 第一次食揀左少甜同雲呢嗱雪糕. 好好味, 又唔會太甜, 好特別. 今次都係少甜, 但係要左蕃薯味雪糕, 不過個蕃薯味雪糕唔夠特出, 食唔到蕃薯味.梳乎利~一般. 個人覺得ok, 朋友覺得no good, 覺得未算香滑.總括黎講, 特別之作係雪山MaMa! 一定要試! 其他食過幾款既甜品質素一般.