咕嚕啦牛肉麵

Open Now

Now Closed

今日行開尖沙咀，去左重慶隔離既地下食肆商場，依家入面整得好整齊多左好多野食，今次見到一間台灣野好吸引就去試下啦叫左兩碗麵同兩個小食咕嚕啦牛肉湯麵🐂🍜首先要講下咕嚕啦牛肉湯麵，真係好正！湯底清澈但又濃郁，餐廳用美國牛肉嫩得嚟又入味。大大塊既牛𦟌每一口都可以感受到牛肉的鮮香，配上彈牙的麵條，好有台灣味道，簡直係心靈的慰藉！紅燒牛肉牛筋湯麵🐃🍜接住嚟就係紅燒牛肉牛筋湯麵，牛筋軟嫩，湯底濃得黎小小辣，每一口都好香。牛肉同湯汁搭配得天衣無縫。華園話梅豬手🐷再嚟就係華園話梅豬手，話梅味道好濃，豬手又滑又嫩超入味，口感正！每嚼一口，都可以感受到話梅的酸甜。咕嚕啦鹵水特色拼盤🐃🐷🐔咕嚕啦鹵水特色拼盤就係另一個驚喜，裡面有好多唔同嘅小食，佢個秘製醬汁淆咗好耐，令到入面既小食都超入吸每樣都好有味道。大腸，牛柏葉，豆腐吸咗鹵汁，雞翼又香又入味，而且份量好足！🤤生椰乳楊枝甘露🍹飲品方面，我試咗生椰乳楊枝甘露，簡直係夏天嘅完美搭配！椰奶嘅香甜同芒果嘅果香，搭配得恰到好處，飲落去好清爽，特別適合炎熱的天氣，真係一試就愛上。醇濃紅豆抹茶牛乳🧉再嚟就係醇濃紅豆抹茶牛乳，紅豆同抹茶嘅味道真係完美結合，口感醇厚，唔會太甜