樂宮餅店

Open Now

Now Closed

收通宵一班人衝去澳門一日遊，主力都係買買食食，大隊人每人都有血拼目標，呢間餅店係其中一位隊員提出，在舊葡京地庫一間舊式餅店，細細間，只見一般嘅麵包🥯西餅，門面真係唔突出、隊員話一定要買嘅腰果曲奇，大家一呼百應，人人都落單，大中小任君挑選，我哋買了一盒大嘅回公司做手信！腰果曲奇：橙色圓罐好搶眼，打開四方曲奇砌滿圓罐，好香牛油味，非常鬆脆，腰果仁夾雜中間，好香脆！真係食唔停！店員姨姨好爽手，我哋成班人堆滿了門面，佢哋又唔會催促，好nice!值得一試

黎過澳門好多次，以前都會買下鳳凰卷同肉干，不過其實無乜特別，要買既話香港都會有。有次朋友介紹呢間係葡京入面既樂宮餅店既曲奇，一試之下，真係念念不忘，要encore! 今次好早黎到，但都已經買唔到0.2kg既綠色罐合桃曲奇。收到朋友柯打，一共買左3罐0.2kg ($50) + 1罐 0.5kg ($100) 橙色罐腰果曲奇。比錢時見到椰汁糕都好吸引，就買埋試下。曲奇好鬆脆，差不多塊塊都有腰果粒，食得出落左超多牛油整，但食完一塊就想食第二塊，非常邪惡！椰汁糕都好有椰味，夠彈牙，唔會一食即散又唔會溶。

樂宮餅店是我兒時最愛愛的餅店！我還記得小時候，我大概有一個月去兩、三次澳門！因為要探表兄與表嫂的緣故，所以我們常在舊葡京出入！記得當時我還細，不能亂跑，所以我家人就會買一盒樂宮的腰果曲奇，叫我乖乖的在酒店等他們！後來，少去了！長大後，我還記得這曲奇，立刻每次朝早就去買！中罐裝，常常缺貨，若果不介意的可買大罐與細罐！我最喜歡這種曲奇，就是鬆脆，帶有重重的牛油香，但卻不失腰果的鬆脆與味道！食完一塊，之後就一塊塊的跟著入囗，停不了！最近，他們出了一罐，杏仁曲奇！當然，它真的比不上腰果曲奇！雖然都是很鬆化，但杏仁的感覺，就像吃緊外面的杏仁餅一樣，沒什麼特別！這是小妹的意見，或者有其他人懂得欣賞！

自從幾年前買過一次樂官腰果曲奇後，每次到澳門都好想再買，因為真係好好食！可惜舊葡京唔太就腳，多次都係因為太晏到達而售罄，失望而回。今次誓要買到，一到步乜都唔理，就衝著去舊葡京！終於，買到喇！！沒有時髦既新派設計包裝盒，也沒有可愛討好既小熊小狗小豬鐵罐，只有多年不變土味十足既圓鐵盒，可是內涵倒是滿分從來手切曲奇都一定不比唧花曲奇鬆化，因為材料比例及製作過程都不同，後者用上大量牛油，少量麵粉，使曲奇極其鬆化;而前者則麵粉較多，製作出來的曲奇較為實淨，適合加入不同乾果/朱古力等配料後也不易散開。樂官曲奇雖然係手切曲奇，但出奇地超級鬆化且混合了乾果也不易散開碎裂，亦豐有牛油香，腰果預先烘烤過才加入麵糰混合，再切件烘烤，所以非常香脆香口。杏仁餅，金錢餅，葡撻，做手信一流！但只要試過樂官腰果曲奇，必定會瞬間成為手信list既其中一項

記得有次跟藏友行山，其中一個住澳門的藏友帶了一盒樂宮的腰果曲奇來，好等我們在涼亭休息時試試，這是我第一次聽到這個名字。曲奇入口鬆化，雖然鬆化程度有點不及珍尼曲奇，牛油香亦沒後者重，但因為入面加了腰果，咬下時鬆化中帶點脆口，層次豐富了，整體味道其實不下於珍尼。但從澳門朋友口中知道，樂宮原本有兩間分店，近年其中一間位置較方便的已經結業，只餘下葡京酒店的分店，而她平常時不會路經的，所以也一直沒有機會再食。適逢另一名藏友最近又去澳門，我就托她幫我買一餅樂宮曲奇。其實樂宮除了腰果曲奇，還有合桃曲奇，不過前者名氣較大，所以我都跟隨潮流，只買腰果曲奇。而曲奇有分大中小三個size，難得有朋友可以代買，當然買大size吧！沒有新一代曲奇的精緻包裝，樂宮曲奇的鐵罐設計是比較傳統的。但想不到這腰果曲奇(大)($140)真的份量十足，足有1kg重，比珍尼一盒只有730g重了三份一。餅底的最佳食用日期顯示有三個月限期，但店家說如果開封後最好兩個星期內食完，否則曲奇可能會變腍。打開曲奇一看，曲奇香是有的，但牛油味不是太重。曲奇密密麻麻裝滿了圓鐵罐，而且你看到的只是第一層，吃完這一層，還有同等份量的下一層等著你，

這裡出品的罐裝曲奇有三個size今次我就買左罐細試下一打開個罐就即刻聞到香噴噴既牛油味而且食落曲奇鬆脆可口令人一試難忘與香港某些大牌出品的曲奇有過之而無不及而且曲奇足料每塊曲奇都有我喜歡的腰果果仁❤一罐細既都有30塊左右索價$45元去到澳門當手信咁買就唔算貴了不過細罐都唔係好夠喉下次一定要買大罐❤