坤記餐室

Open Now

Now Closed

當地澳門人推介間開左好內既萄國菜,1918年Wor!!黎左澳門咁多次都未食過,8人行坐第二層似茶餐廳格局既位.服務員推薦血鴨,但我地未點完單,已經話賣曬,無機會試下la.未上菜先上萄國麵包,外脆內軟,如果有埋塊豬扒夾係入面就好啦!哈~份量不多,幾大件,係公眾場合哎開都真係麻煩啲, 質感腍,配飯一流咖哩惹味不太辣,麵包沾咖哩汁,好味熱熱地薯蓉和馬介休混合體 口感似KFC既薯蓉醃得幾好,但隔離配既薯條係凍既

澳門兩日一夜遊中其中最滿意的餐廳之一 餐廳裝潢平實 但食物質素高 而且店員態度好物美價廉 值得推介! 豬柳很入味 而且有少少酒味 味道不錯!馬介休球味道適中 不咸不膩 而且配菜醃青菜很醒胃魷魚味道亦不錯 有點酸和辣 挺特別的每人花一百元左右就能吃到好味的萄國菜 價得推介!!

生日去澳門避世幾日，天氣好好之餘仲好舒服咁又食又玩過左幾日，唔捨得番香港。上一次黎澳門想食坤記但冇開，我未食過坤記，但同行陳某自細已經食開坤記，佢讚呢度好正宗而且充滿童年回憶，佢話好食既野多數都真係好好食，今次有開喇終於　食左燒雞，燒豬柳同炸馬介休球：燒雞：上碟時賣相普通，從未食過既我都冇咩反應，見到Ｄ雞好似冇咩色水好淡咁，但一食就知原來好驚喜，有幾舊薯仔伴碟，薯仔好淋而且夠味，但重點係雞肉，好滑好有雞味，食開冰鮮雞既一食就知新鮮雞真係唔洗點整花巧野都已經可以好好食，雞下面既汁先正，唔係味精果隻好味，係雞肉精華果隻好味，今晚單係呢碟雞已經值回票價。燒豬柳：其實我一向都麻麻地鍾意食豬柳，但呢個好食在佢有少少酒味，同埋滑，一Ｄ都唔鞋口!炸馬介休球：呢個做得好外脆內軟，唔會太咸，充滿馬介休香味，食到尾聲已經飽到上心口，飯後飲埋熱情果汽水同前葡啤，今餐好完美。食飯時見到好多一家大細，叔伯兄弟傾住計食飯，可能香港人斯文慣就覺得好嘈好雜又覺得人地serve得唔夠有禮貌，但其實坤記本身就係一間平民餐室，但咁既價錢食到咁正宗既葡菜，仲可以感受下澳門人悠閒生活，算係咁啦