Video
Read full review
2011-06-18
2163 views
是次澳門之旅既最後一站，食左好幾餐都未食萄國餐，記起船屋，就走左過黎下環呢邊，不過又係爆棚，真係夠旺場，行前見到有海灣，就過左黎試下。唔想食飯，所以都係唔要焗鴨飯，各自揀自己想食既主菜加d小吃。先黎餐前飽，好熱，熱到有d燙手，個熱力係牛油一搽就溶，堅係熱。飽面頭微硬，內裡夠鬆軟，係幾impress既餐前飽。小食要左蝦角同馬介休球，蝦角原來入面係芝士同蝦，芝士味幾輕巧，唔會太膩，個皮軟腍腍，送酒幾好。另一款係馬介休球，好多時食到既係外軟內軟，這裡算不上外脆，不過唔係軟腍腍，收貨的，味方面，唔係幾夠鹹，跟蝦角比，個馬介休球顯得好一般。主菜有羊脾肉，薄切片上，燒汁味淡，羊脾就小許羶味，加埋件事就好ok，羊脾肉質軟腍，好食，不過真係切得太薄，影響左咬口，個跟羊脾既薄荷醬都做得幾好，至少唔係一舊無味既薄荷jelly。另一樣係牛脷，係驚喜既一款，好腍，腍得黎有咬口，個汁好送飯，難怪店方係跟飯上，其餘兩份都係跟個沙津。最後一款主菜係豬肋骨，豬味濃郁，有濃濃既烤味，也不錯。甜品要左雞蛋布丁，d糖醬幾甜下，布丁蛋味普通。疏乎里，食左都真係無咩印象。呢到Sangria要三舊水一jar，真係貴左d，結果都係
先黎餐前飽，好熱，熱到有d燙手，個熱力係牛油一搽就溶，堅係熱。飽面頭微硬，內裡夠鬆軟，係幾impress既餐前飽。
小食要左蝦角同馬介休球，蝦角原來入面係芝士同蝦，芝士味幾輕巧，唔會太膩，個皮軟腍腍，送酒幾好。另一款係馬介休球，好多時食到既係外軟內軟，這裡算不上外脆，不過唔係軟腍腍，收貨的，味方面，唔係幾夠鹹，跟蝦角比，個馬介休球顯得好一般。
主菜有羊脾肉，薄切片上，燒汁味淡，羊脾就小許羶味，加埋件事就好ok，羊脾肉質軟腍，好食，不過真係切得太薄，影響左咬口，個跟羊脾既薄荷醬都做得幾好，至少唔係一舊無味既薄荷jelly。另一樣係牛脷，係驚喜既一款，好腍，腍得黎有咬口，個汁好送飯，難怪店方係跟飯上，其餘兩份都係跟個沙津。最後一款主菜係豬肋骨，豬味濃郁，有濃濃既烤味，也不錯。
甜品要左雞蛋布丁，d糖醬幾甜下，布丁蛋味普通。疏乎里，食左都真係無咩印象。
呢到Sangria要三舊水一jar，真係貴左d，結果都係飲啤酒好了，食萄國餐冇飲果汁酒，都係好似差左樣野咁。其實萄國餐，我食黎食去都係果d野，呢個新地方，中上價格，餐前飽同三款主菜都食得滿意，食飽返歸。
Post
