中國名粥

Open Now

Now Closed

見到介紹沙梨頭街市地下可以買海鮮，拎去二樓熟食中心加工，價錢好抵，想試好耐。今次終於試到！睇介紹話要早啲過黎，晏左驚買唔到靚海鮮。當日十點半去到，諗住去二樓睇下咩環境，可能因為疫情閂淨一檔。舖頭叫中國名粥，老闆話時間早可以做加工，晏啲多人就做唔到加工。自己買蟹容易買到臭，可以直接揀佢舖頭提供嘅蟹同炒鮑魚。最後叫左4樣野。。蟹粥 $250一人份最出名係蟹粥，諗住share試少少，揀左一人份，雖然蟹得一隻，但粥嘅份量夠2-3個人食，粥仲落左好多瘦肉一齊煲，蟹膏溶左入粥，蟹肉同粥都十分鮮甜。蟹切開咗幾舊容易進食。老闆娘仲好細心每一枱問要唔要蔥。。炒蜆 時價老闆幫手買左一斤，計埋加工費$100 左右。(落單前問清楚價錢)用咗蒜頭 薑 豉椒 黑椒 青紅椒一齊炒，辣得啱啱好，唔會辣到好辛苦，好食！落左黑椒同香港食開嘅唔同，個芡汁唔會太杰啱啱好，蜆肉算幾肥，想一隻接一隻咁食。間中有一兩隻有沙可接受。推介！。炒飽魚 時價都係好出名，每枱都有叫，飽魚好滑身，薑蔥味好香，可以試下。魚餅 $48有兩個size,揀左細份試下，好脆，送酒一流野食份量大碟，性價比高，比起餐廳更有風味，老闆同老闆娘都幾nice。越

第一次食中國好粥， 個地方係喺街市上，祇有幾張檯，一定要有 book才有位，但 book咗仍要等好耐先有嘢食。下午三，四点就收鋪。見老闆和老闆娘年紀都有六七十歲，不斷好忙咁又煮又送菜，連腰都彎了。但幾忙，兩老都做笑得好開心。可能係見到每個客都食到唔停囗。蟹粥真係好好味，而家先知道原來蟹粥係咁好味㗎囉。魚餅外脆內鬆軟，正。 反而鮑魚，煎大蝦， 同平時出面差不多，唔係話特別出色。 好回味。價錢唔平，我哋每人都要 四，五百蚊，但以食品質素，味道。絕對值得。只係地方扣了一些分。

幾年冇去過澳門，早幾日上網看到網上食評（2021）來到街市2樓，點知得一間店，過關之後直奔的滿心歡喜即時墜落，既來之則安之，看到唔少人尋食，座低一試。味道賣相服務蟹粥很甜不是鮮甜那種，相信配料唔少，試粥底唔一定要蟹，其實佢仲有其他口味配搭，10種之多。炒鮑魚很嫩滑，入口意象不凡，想入非非，雖然口味偏甜，甜味好像蟹粥調味料的味道，真可以一試。炸魚餅很脆很香，配青島啤酒，值得推薦。老闆提醒大家一定要提前訂位或提前預約幫手買海鮮。附卡片。

看到這裏食評，抵食才去，點知付款時隨她開價，蟹粥收我地五百幾一鍋，我們除了蟹粥外，是在樓下街市買上去，我們海鮮料買了5百元，居然烹調費要收一千多元， 我是看了這裏食評才帶朋友去，怎知這樣，我都不好意思，實在任佢劏，無價錢牌，不老實呀！烹調味道一般大排劏味道！奶茶值得一試！$10一杯，其他烹調收費，有二十八元，有四十八元，有六十元，隨佢收，最不甘心是鍋蟹粥，$346跟住話$100是烹調費，$100是粥費，$20是肉片費！

吃了十年的地道粥品小店，由無冷氣的舊水上街市，到沙梨頭臨時場及至現在，仍是我倆每次到澳門必到食店！這兒最出名的是蟹粥，選用爆膏蟹，入口鮮濃芳香甜美無窮粥底綿稠，我倆由第一次來吃到現在也認定，這兒的蟹粥是全澳門最美味的除了粥品外，小店也有海鮮加工，在下層街市買心儀海鮮上來便可，老闆兩公婆手勢很好火喉十足，推薦香蒜煎焗大蝦及豉椒食物，今次買了蟶子皇上來，炒得惹味恰到好處，正！亦可試試老闆娘出的煎魚餅，佐酒一流！幫趁咁多年，除了美味外，重點是價錢公道，成煲膏蟹粥唔洗兩百，海鮮加工每款幾十蚊，抵食過去餐廳最少一半以上，來澳門想體驗地道的真美味，中國名粥是不二之選。

去澳門搵蟹粥🦀食，牛記、六記、中國名粥之間，選了名氣最少的後者。食評資料少，但幾乎都大力讚，更引起我好奇🤔。早一天打去訂位，第二天中午食，一定要訂位因為要預先買蟹🦀呢。.蒜蓉炒生菜$58因為昨天吃葡菜沒有吃蔬菜，今天要找菜吃，就來一碟炒菜，$58都合理，而份量都頗大，蒜蓉很夠很有蒜香，都不錯。水蟹粥$324來了的一鍋粥，粥底呈深色，加上好多蔥和少少薑絲，原來粥底用上干瑤柱、豬骨、大地魚熬煮出來😛，很有心機的粥底，味道非常鮮甜，一試難忘🤗。.兩隻大大隻花膏蟹🦀🦀，來到才劏和煮的，見到還是活的及有好多膏🤩，這樣靚的蟹，想不好吃也難了👻。.粥本身已美味，還能一邊吃新鮮的蟹肉🦀，簡直是雙重享受，我們都吃到停不了手，大讚！😻😻😻.埋單不到$400，有兩隻靚蟹，有這麼大鍋粥，又有菜，超抵食！