九記冰室 (Closed)

招牌的雪糕,可以14蚊3球,但口感不好,一d都唔滑,失望

好舊的一間冰室呀,侍應都是上年紀的了, 在這裡吃東東, 直係好似體驗到以前D人係TEA TIME 休息既FEEL 呀.我地叫左:黃牛忌廉+PINEAPPLE ICECREAM白牛雪碧+COCONUT ICECREAM上台個時叫我地飲左幾啖先好攪,果然, D泡係咁升呀, 個雪糕都溶得好快,食左啖雪糕, 好濃既味~仲好凍,後尾先知, 係用冰打架,唔同叫個D.WOW.夏天真係好消暑~豬扒包個包即TOAST, 好脆,不過塊豬扒好薄,又冇牛油,好在冇BONE, 易食.

１４蚊３球雪糕，我覺得芒果味最正，用個小玻璃杯裝住真有心思。我見人地食一碗大既通粉，３５蚊，有成１０樣配料，都好似唔錯ｗｏｗ。其他野就無試了，你地下次再去試下啦。

看過很多旅遊雜誌和食評,都寫這食店一致好評,終於有機會來到這間環境十分懷舊的冰室,品嚐最著名的紅牛,白牛,和其他小食.紅牛>可樂加雪糕,,白牛>雪碧加雪糕,.紅牛和白牛內的雪糕都被汽水的甜味蓋過,所以食唔到雪糕的味道,感覺一般.煙鴨胸通粉>與一般茶餐廳一樣,沒有特別.葡國臘腸飽>味道ok,臘腸唔太咸,豬仔飽夠脆.總括來說,這間食店環境十分懷舊,一試無妨,但不是十分特式!

老豆係响澳門出世的, 但又話竟未去過大三巴, 都幾騎呢.今日和他行上去睇吓啦.但未行, 他已叫我和妹食個下午茶先~橫街有這間小小的冰室, 就一試啦.真的好冰室feel, 有相大家睇.吊住的風扇, 卡位, 玻璃櫃, 真的好憓舊.不過, 成個澳門都好似20年前的香港咁啦, 講開又講.都想叫d特別野食, 看看menu, 有 "黃牛, 白牛, 紅牛, 黑牛".咁係咩黎架?!問吓阿姐, 哈, 原來黃牛係忌廉梳打+雪糕;白牛係雪壁+雪糕, 黑牛係可樂; 紅牛當然唔係俾對翼你果種, 而係... 而係...唉, 我和妹兩個竟都唔記得了真係唔好意思...o係度同大家講聲sorry...另有葡萄牙式臘腸包及鴨胸包, 幾特別, 叫了每樣一個黎試吓.檸茶好快有得飲, 好多檸, 正~葡萄牙式臘腸包有3片腸, 幾薄吓; 個包係剛烘起, 熱辣辣, 正. 臘腸好似中式臘腸咁, 幾咸.鴨胸包則有3片鴨胸; 味一般, 和估計的一樣.每個包都係12蚊, 收費都係20年前, 仲想點呀...

一直捨不得吃九記，原因是覺得十四元三球有點貴。然而是日第三回首選想吃的都沒有，趁氣溫由十二三度回升到成廿度，便放緃一下。街上的人都脫去了大衣，以為這裡會擠滿人，可又只得幾個人。開口問了，都要等一陣，才有人幫我落單。選了番石榴、香芋、椰子，但姨姨說沒有番石榴及芒果，便改作菠蘿。來了來了，原來是用直身玻璃杯去盛雪糕的，又原來玻璃杯比一般去茶樓喝喜酒用的小一點。杯是冷的，幾細心。三球雪糕，是按我的次序由上而下排列。雪糕中奶下的少，似雪芭多一點，但仍不失軟滑。三者都不甜，味道都算清新，老老實實的制做，其中以香芋味最軟滑，吃得出其中有不少粉粉的芋頭，菠蘿這一球嚐到有很少量菠蘿肉，但味道都算天然，而椰子味呢，這裡我會比之為濃妝艷抹的女子，我比較喜歡洪馨的那種清新脫俗的味道。球球都小，球球都空心，有點小家子氣。澳門好吃的甜點不少，懷舊不是我的主要，短期不會再來的了。

食完「祥記」，我和女友去了參觀大賽車博物館和葡萄酒博物館，想找個地方小休片刻和吃些東西，女友當然係想食雪糕，既然來到澳門，當然不會吃些香港也能夠吃到的牌子，於是就去了得近噴水池但極不顯眼的地方吃手造雪糕，就是這裡。這裡內外都很懷舊，在這裡吃雪糕彷佛置身六、七十年代。雪糕有很多口味，我和女友合共試了六款，其中祇有椰子和芋頭雪糕很軟滑，其餘的很“冰”，好像食緊有味道的冰一樣，不過肯定是自家製的，因為我食咖啡味雪糕時，味道真的和茶餐廳的咖啡一樣，既苦且澀。

雪糕加豬扒飽, 下午茶完美的配搭剛到大三巴逛逛, 有點累, 來到九記吃下午茶這是我第一次到九記 要了雪糕加豬扒飽, 要了黃牛,好甜啊, 是菠蘿雪糕加忌廉汽水, 好夏日的感覺. 黃牛實在是消暑的好幫手加埋豬扒飽, 好一個下午茶選擇喜歡懷舊的朋友會喜歡九記

去過澳門咁多次, 都無試過九記既雪糕....今次真係要試一試...店鋪細細, 非常舊式, 大部份客人都係叫雪糕或者紅牛, 黑牛, 黃牛等消暑食品...當然我同男友仔都唔例外!!黃牛 - 菠蘿雪糕加忌廉汽水, 好消暑...雪糕溶得好快呢...所以好快就先食晒雪糕.... 雪糕球 (朱古力, 士多啤梨, 咖啡) - 除左朱古力顏色近似外, 士多啤梨同咖啡我都睇唔出..HAHA.. 其實雪糕特別在係用鮮生果做既, 所以顏色同平時食開個D有少少唔同..^^不過, 食完一D咁消暑既雪糕, 真係透心涼呢

上星期天氣太熱了, 地道親戚帶我們去吃雪糕我點了朱古力, 芋頭及芝麻, 原本想要芒果, 什知沒有, 可能已經賣完, 我最喜歡朱古力, 朋友點了什果, 也不錯, 他們的雪糕有點似雪巴, 不大似雪糕, 不過價錢也不平, 3款共收$14! (3個球), 另有菠羅, 薑味, 椰子等其他還供應麵類, 注意他們六時便關門不過在香港就找不到此情懷冰室

黑牛 / 白牛($14) ~ 天時暑熱行一陣都已經出哂汗 , 所以就即刻搵返間冰室飲杯野黎消暑 , 之前都已經黎過一次覺得幾唔錯 , 不過多人既話就麻煩d等位比較難 , 因為店面實在細 , 得幾張台仲要成日坐滿哂人 , 汽水可以自己揀配唔同味道既雪葩 , 有士多啤梨﹑香橙同石榴等 , 飲一啖汽水再吃一嗦雪葩真係夠哂好冰涼解渴 , 夏天都暑熱都消除左一半呀。

嚟過哩度2次，印象唔錯。食咗：豬扒飽：好好食，好食過大利來，勁juicy豬扒麵：都係嗰塊豬扒，麵係出前一丁雪糕：最記得係菠蘿味，真係有一粒粒菠蘿喺裡面，而且食得出ｄ雪糕好新鮮０茶、奶茶：無咩特別至於環境，又真係幾懷舊，唔錯唔錯如果行大三巴行到攰，嚟度係一個唔錯嘅選擇